മനാമ: അന്താരാഷ്ട്ര പോസ്റ്റൽ യൂനിയൻ അവാർഡ് ബഹ്റൈൻ പോസ്റ്റിന് ലഭിച്ചു.
175 രാഷ്ട്രങ്ങളിൽനിന്നും ഉപഭോക്തൃ സേവനമേഖലയിൽ മികവ് പുലർത്തിയതിനാണ് അവാർഡ്. ടെലികോം, ഗതാഗത മന്ത്രാലയത്തിലെ പോസ്റ്റൽ കാര്യ അസി. അണ്ടർ സെക്രട്ടറി ഡോ. ഖാലിദ് അബ്ദുറഹ്മാൻ അൽ ഹൈദാൻ അവാർഡ് ഏറ്റുവാങ്ങി.
സ്വിറ്റ്സർലൻഡിൽ നടന്ന അന്താരാഷ്ട്ര പോസ്റ്റൽ യൂനിയൻ യോഗത്തിൽ നടന്ന ചടങ്ങിലായിരുന്നു അവാർഡ് വിതരണം.
നേട്ടം കരസ്ഥമാക്കിയതിൽ സന്തോഷമുള്ളതായും ഭരണാധികാരികൾ നൽകുന്ന പിന്തുണക്ക് നന്ദി അറിയിക്കുന്നതായും അദ്ദേഹം വ്യക്തമാക്കി. ജനങ്ങൾക്ക് കൂടുതൽ പോസ്റ്റൽ സേവനങ്ങൾ നൽകാൻ പുരസ്കാരം കരുത്ത് നൽകുന്നതായും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.