മനാമ: ആറ് മാസത്തിൽ താഴെ പാസ്പോർട്ട് കാലാവധിയുള്ള ഇന്ത്യക്കാർക്ക് സൗജന്യമായി കാലാവധി നീട്ടാൻ സൗകര്യമൊരുക്കി ഇന്ത്യൻ എംബസി. 6 മാസത്തെ കാലാവധിയാണ് നീട്ടി നൽകുന്നത്. നിലവിലെ സാഹചര്യത്തിൽ സൗദി വിസിറ്റ് വിസക്കോ ഉംറ വിസക്കോ അപേക്ഷിക്കാൻ പാസ്പോർട്ടിന് കുറഞ്ഞത് 6 മാസം കാലാവധി വേണമെന്നിരിക്കെ, ഈ സേവനം ഒട്ടേറെ പ്രവാസികൾക്ക് തുണയാകും.
സൗദി അറേബ്യയിലേക്കുള്ള യാത്രയും വിസ നടപടികളും മുടങ്ങിനിൽക്കുന്ന ഇന്ത്യൻ പ്രവാസികൾക്ക് ഈ സംവിധാനം ആശ്വാസമാണ്. അപേക്ഷ നൽകി ഏകദേശം 24 മണിക്കൂറിനുള്ളിൽ നടപടികൾ പൂർത്തിയാകും. ഒറിജിനൽ പാസ്പോർട്ട്, ബഹ്റൈൻ സി.പി.ആർ എന്നിവയുടെ പകർപ്പുകൾ ഇതിനായി നൽകണം. കുട്ടികളുടെ അപേക്ഷയോടൊപ്പം മാതാപിതാക്കളുടെ രേഖകളും സമർപ്പിക്കണം.
നിലവിൽ കാലാവധിയുള്ളതും എന്നാൽ 6 മാസത്തിൽ താഴെ മാത്രം കാലാവധി ശേഷിക്കുന്നതുമായ പാസ്പോർട്ടുകൾക്ക് മാത്രമേ ഈ ആനുകൂല്യം ലഭിക്കൂ.
പാസ്പോർട്ട് കാലാവധി പൂർണമായും അവസാനിച്ചവർക്ക് ഈ സേവനം ലഭ്യമാകില്ല. അവർ പുതിയ പാസ്പോർട്ടിന് തന്നെ അപേക്ഷിക്കേണ്ടതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.