മനാമ: ബഹ്റൈൻ കേരള നേറ്റീവ് ബാൾ ഫെഡറേഷന്റെ ആഭിമുഖ്യത്തിൽ ബഥെൽ ട്രേഡിങ് ഡബ്ല്യു.എൽ.എൽ സ്പോൺസർ ചെയ്യുന്ന വി.വി. ആൻഡ്രൂസ് വലിയവീട്ടിൽ മെമ്മോറിയൽ എവർറോളിങ് ട്രോഫിക്കും, കെ. ഇ. ഈശോ ഈരേച്ചേരിൽ എവർറോളിങ് ട്രോഫിക്കും, സെഫോറ ഇൻഫോ സൊല്യൂഷൻസ് പ്രൈവറ്റ് ലിമിറ്റഡ് എവർറോളിങ് ട്രോഫിക്കും കാഷ് അവാർഡിനും വേണ്ടിയുള്ള പ്രഥമ ജി.സി.സി കപ്പ് ചാമ്പ്യൻഷിപ് നാടൻ പന്തുകളി മത്സരം ‘പവിഴോത്സവം - 2024’ സിഞ്ച് അൽഅഹലി ക്ലബ് മൈതാനിയിൽ ജൂൺ 16, 17 തീയതികളിൽ നടക്കും.
ഖത്തർ, കുവൈത്ത്, യു.എ.ഇ, ബഹ്റൈൻ ടീമുകൾ ചാമ്പ്യൻഷിപ്പിൽ പങ്കെടുക്കും. മികച്ച നാടൻ പന്തുകളി താരങ്ങൾക്ക് വ്യക്തിഗത സമ്മാനങ്ങളും നൽകും. പവിഴോത്സവം - 2024 ന്റെ ഔദ്യോഗിക ഉദ്ഘാടനം ജൂൺ 16ന് രാവിലെ 6.30ന് കേരള നേറ്റീവ് ബാൾ ഫെഡറേഷൻ സംസ്ഥാന പ്രസിഡന്റ് സന്ദീപ് എസ്. കരോട്ട്കുന്നേൽ നിർവഹിക്കും.
പ്രമുഖ നാടൻ പന്തുകളി താരം ബിജോമോൻ സ്കറിയ ആദ്യ പന്ത് തട്ടി ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.