കെ.വി. ബഷീറിന് അത്തോളി മുസ്ലിം വെൽഫെയർ അസോസിയേഷൻ നൽകിയ യാത്രയയപ്പ്
കുവൈത്ത് സിറ്റി: 29 വർഷത്തെ പ്രവാസ ജീവിതം അവസാനിപ്പിച്ചു നാട്ടിലേക്കു പോകുന്ന കുവൈത്ത് അത്തോളി മുസ്ലിം വെൽഫെയർ അസോസിയേഷൻ മുൻ പ്രസിഡൻറ് കെ.വി. ബഷീറിന് കുവൈത്ത് അത്തോളി മുസ്ലിം വെൽഫെയർ അസോസിയേഷൻ യാത്രയയപ്പ് നൽകി.
പ്രസിഡന്റ് ഹസ്സൻ ചലക്കലിന്റെ അധ്യക്ഷതയിൽ ഫർവാനിയയിൽ ചേർന്ന യാത്രയയപ്പ് യോഗം മുൻ പ്രസിഡന്റ് മുഹമ്മദ് ശരീഫ് ഉദ്ഘാടനം ചെയ്തു. സംഘടനയുടെ രൂപവത്കരണത്തിലും തുടർന്നും മുൻനിരയിൽ നിന്ന് പ്രവർത്തിച്ച കെ.വി. ബഷീർ സ്ഥാപക ഉപാധ്യക്ഷൻ, ട്രഷറർ, പ്രസിഡന്റ് തുടങ്ങിയ ഉത്തരവാദിത്തങ്ങൾ വഹിച്ചിട്ടുണ്ട്. ഭാരവാഹികളായ റഫീഖ് താജ്, റിയാസ് സയിൻ, മുൻ ഭാരവാഹികളായ റിയാസ് കാപ്പിൽ, ടി. ലത്തീഫ്, ഗഫൂർ അത്തോളി, എച്ച്.എം. ഫൈസൽ എന്നിവർ സംസാരിച്ചു. സ്നേഹോപഹാരം പ്രസിഡന്റ് ഹസ്സൻ ചാലക്കൽ അദ്ദേഹത്തിന് കൈമാറി.
മറുപടി പ്രസംഗത്തിൽ, കൂട്ടായ്മയോടൊപ്പമുള്ള ഇരുപതു വർഷത്തെ പ്രവാസ ജീവിതത്തെകുറിച്ചും കൂട്ടായ്മയുടെ ആവശ്യകതയെ കുറിച്ചും സേവന- പ്രവർത്തനങ്ങളെ സംബന്ധിച്ചും അദ്ദേഹം പ്രത്യേകം എടുത്തുപറഞ്ഞു. ഫൈസലിന്റെ ഖിറാത്തോടെ ആരംഭിച്ച യോഗത്തിൽ സെക്രട്ടറി സുജാഹുദീൻ സ്വാഗതവും ട്രഷറർ സാക്കിർ സി.പി. നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.