മനാമ: ബഹ്റൈനിലെ സേവനം അവസാനിപ്പിച്ച് മടങ്ങുന്ന ഈജിപ്ത് അംബാസഡര്‍ സുഹ ഇബ്രാഹീം അല ്‍ഫാറിന് വിദേശകാര്യ മന്ത്രാലയം യാത്രയയപ്പ് നല്‍കി. ഇരുരാജ്യങ്ങളും തമ്മിലുള്ള ബന്ധം സുശക്തമാക്കുന്നതിന് അംബാസഡര്‍ നല്‍കിയ സേവനങ്ങളെ സംബന്ധിച്ച് വിദേശകാര്യ മന്ത്രാലയ അണ്ടര്‍ സെക്രട്ടറി ഡോ. ശൈഖ റന ബിന്‍ത് ഈസ ബിന്‍ ദുഐജ് ആല്‍ ഖലീഫ വിശദീകരിച്ചു.
വിദേശകാര്യ മന്ത്രാലയം തനിക്ക് നല്‍കിയ സഹകരണത്തിന് അംബാസഡര്‍ പ്രത്യേകം നന്ദി പ്രകാശിപ്പിച്ചു. ഏല്‍പിക്കപ്പെട്ട ഉത്തരവാദിത്തം ശരിയായ വിധം നിര്‍വഹിക്കുന്നതിന് ബഹ്റൈനിലെ വിവിധ മന്ത്രാലയങ്ങളും സര്‍ക്കാര്‍ സംവിധാനങ്ങളും നല്‍കിയ സഹകരണം പ്രതീക്ഷയുണര്‍ത്തുന്നതായിരുന്നുവെന്നും അവര്‍ തെൻറ നന്ദി പ്രഭാഷണത്തില്‍ വ്യക്തമാക്കി. ഭാവി ജീവിതം ഭാസുരമായിരിക്കട്ടെയെന്ന് ശൈഖ റന ആശംസിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.