കനോലി നിലമ്പൂർ ലേഡീസ് വിങ് മൈലാഞ്ചി രാവ് പരിപാടിയിൽ നിന്ന്
മനാമ: കനോലി നിലമ്പൂർ ബഹ്റൈൻ കൂട്ടായ്മ ലേഡീസ് വിങ്ങിന്റെ നേതൃത്വത്തിൽ മൈലാഞ്ചി രാവും, പത്താം ക്ലാസ്, പ്ലസ് ടു പരീക്ഷയിൽ ഉന്നത വിജയം കരസ്ഥമാക്കിയ കൂട്ടായ്മയിലെ കുട്ടികൾക്കുള്ള അവാർഡ് ദാനവും നടത്തി. ബി.എം.സി ഹാളിൽ നടത്തിയ ചടങ്ങിന് ലേഡീസ് വിങ് സെക്രട്ടറി നീതുലക്ഷ്മി വിജേഷ് സ്വാഗതവും പ്രസിഡന്റ് രേഷ്മ സുബിൻദാസ് അധ്യക്ഷതയും വഹിച്ചു.
ഫ്രാൻസിസ് കൈതാരത്ത് ഉദ്ഘാടന കർമം നിർവഹിച്ചു. സാമൂഹികപ്രവർത്തക ഷെമിലി പി. ജോൺ, എം.എം.എം.ഇ കൺവീനർ ഷെറീൻ ഷൗക്കത്തലി, സോന ഗോൾഡ് എം.ഡി. ശ്രുതി വിവേക് എന്നിവരും കൂട്ടായ്മയുടെ സ്ഥാപക പ്രസിഡന്റ് ഡോ. സലാം മമ്പാട്ടുമൂല, ആക്ടിങ് പ്രസിഡന്റ് അദീബ് ഷരീഫ്, ജനറൽ സെക്രട്ടറി സുബിൻദാസ്, ട്രഷറർ അനീസ് ബാബു ലേഡീസ് വിങ് ചീഫ് കോഓഡിനേറ്റർ മെഹ്ജബിൻ സലീജ്, എന്റർടൈൻമെന്റ് സെക്രട്ടറി ജുമി മുജി ചടങ്ങിൽ ആശംസകൾ നേർന്നു. ഉന്നത വിജയം കരസ്ഥമാക്കിയ അഭിനവ് വട്ടക്കണ്ടൻ, റിയാൻ അഹമദ്, ജഹാന ഷെറിൻ, അശ്വിൻ സജീഷ് മാത്യു, ഹിബ ഫാത്തിമ എന്നിവർക്ക് കനോലി വിദ്യാരത്ന പുരസ്കാരം നൽകി ആദരിച്ചു.
തുടർന്ന് കൂട്ടായ്മയിലെയും ലേഡീസ് വിങ് അംഗങ്ങളുടെയും കുട്ടികളുടെയും ഒപ്പന, കോൽക്കളി, സംഗീത നൃത്ത കലാപരിപാടികളും അരങ്ങേറി. അമ്പിളി രാജേഷ്, മുബീന മൻഷീർ, സുഹ്റ മുഹമ്മദ്, ജംഷിദ കരിപ്പായി, നീതു രജീഷ് റജീന ഇബ്രാഹീം, ഷാമിയ സാജിദ്, സുഹ്റ മൊയ്ദീൻകുട്ടി, മുഹ്സിന കെ.സി, ഷഫ യാഷിക്, ഷിംന അദീബ്, ഫർസാന നജീബ്, മിൻസിയ ആഷിഫ്, ഷിമ എബ്രഹാം, വൈഷ്ണവി ശരത്, റിയ, ജിയ മറ്റ് എക്സിക്യുട്ടിവ് മെംബർമാരും പ്രോഗ്രാമിന് നേതൃത്വം നൽകി. വിജേഷ് ഉണ്ണിരാജൻ, അരുൺ കൃഷ്ണ പ്രോഗ്രാം കോഓഡിനേറ്റ് ചെയ്തു. റജീന ഇസ്മയിൽ അവതാരകയായി. ട്രഷറർ ജസ്ന അലി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.