ബഹ്റൈൻ സെന്റ് പോൾസ് മാർത്തോമ യുവജന സഖ്യത്തിന്റെ 2025-26 വർഷത്തെ പ്രവർത്തനോദ്ഘാടനം കുമളി സെന്റ് പീറ്റേഴ്സ് മാർത്തോമ ഇടവക വികാരി വിജയ് മാമ്മൻ മാത്യു നിർവഹിച്ചപ്പോൾ
മനാമ: ബഹ്റൈൻ സെന്റ് പോൾസ് മാർത്തോമ യുവജന സഖ്യത്തിന്റെ 2025-26 വർഷത്തെ പ്രവർത്തന ഉദ്ഘാടനം വിശുദ്ധ കുർബാനക്ക് ശേഷം നടത്തി. സെന്റ് പോൾസ് മാർത്തോമ യുവജന സഖ്യം പ്രസിഡന്റ് അനീഷ് സാമുവൽ ജോൺ അധ്യക്ഷത വഹിച്ചു. കുമളി സെന്റ് പീറ്റേഴ്സ് മാർത്തോമ ഇടവക വികാരി വിജയ് മാമ്മൻ മാത്യു ഉദ്ഘാടനം ചെയ്തു. ഇടവക വൈസ് പ്രസിഡന്റ് കുരുവിള എബ്രഹാം പ്രാരംഭ പ്രാർഥന നിർവഹിച്ചു.
സെക്രട്ടറി ലിറ്റിൻ എലിസബേത്ത് 2025-26 വർഷത്തെ പ്രവർത്തന രൂപരേഖ അവതരിപ്പിച്ചു. സുധിൻ എബ്രഹാം സംസാരിച്ചു. സെന്റ് പോൾസ് മാർത്തോമാ യുവജന സഖ്യം വൈസ് പ്രസിഡന്റ് എബിൻ മാത്യു ഉമ്മൻ സ്വാഗതവും മാസ്റ്റർ സിബിൻ സജു നന്ദിയും പറഞ്ഞു. കുമാരി മെറിൻ ജിബിയുടെ സമാപന പ്രാർഥനയോടും അനീഷ് സാമൂവൽ ജോണിന്റെ ആശീർവാദത്തോടും യോഗം അവസാനിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.