അനന്തപുരി അസോസിയേഷൻ യോഗം
മനാമ: ബഹ്റൈനിലെ തിരുവനന്തപുരം സ്വദേശികളുടെ കൂട്ടായ്മയായ അനന്തപുരി അസോസിയേഷൻ ഈ വർഷത്തെ ഓണാഘോഷമായ പൂവിളി 2024 ന്റെ കമ്മിറ്റി രൂപവത്കരിച്ചു. പ്രസിഡന്റ് ദിലീപ് കുമാറിന്റെ അധ്യക്ഷതയിൽ ഇന്ത്യൻ ക്ലബിൽ ചേർന്ന യോഗത്തിൽ ജനറൽ സെക്രട്ടറി സന്തോഷ് ബാബു സ്വാഗതവും, എക്സിക്യൂട്ടിവ് കമ്മിറ്റി അംഗം സന്തോഷ് നായർ ആശംസയും പറഞ്ഞു. പരിപാടിയുടെ ജനറൽ കൺവീനറായി അൻവറിനെ തെരഞ്ഞെടുത്തു.
ഒക്ടോബർ 25ന് ഇന്ത്യൻ ക്ലബിൽ നടക്കുന്ന ഓണാഘോഷ പരിപാടിയിൽ ബഹ്റൈനിലെ സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കും. ഓണാഘോഷത്തിൽ തനതായ ഓണസദ്യയും വിവിധങ്ങളായ കലാപരിപാടികളും ഒരുക്കിയിട്ടുണ്ട്. വൈസ് പ്രസിഡന്റ് മഹേഷ് ചടങ്ങിന് നന്ദിയും രേഖപ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.