മനാമ: അൽ നൂർ ഇന്റർനാഷനൽ സ്കൂൾ ഹോർട്ടികൾചർ ക്ലബ്ബിന്റെ ആഭിമുഖ്യത്തിൽ വിളവെടുപ്പ് ആഘോഷം നടന്നു. ക്ലബ് അംഗങ്ങൾ പരിപാലിച്ചുവളർത്തിയ പച്ചക്കറികളാണ് വിളവെടുത്തത്. പരിപാടിയിൽ സ്കൂൾ ഡയറക്ടർ ഡോ. മുഹമ്മദ് മഷൂദ്, അറബിക് സീനിയർ വിഭാഗം പ്രധാന അധ്യാപകൻ അബ്ദുൽ റഹ്മാൻ കൂഹേജി എന്നിവർ പങ്കെടുത്തു. ജൈവ കൃഷിരീതി പ്രോത്സാഹിപ്പിക്കാനുള്ള വിദ്യാർഥികളുടെ പരിശ്രമത്തെ അധ്യാപകർ അഭിനന്ദിച്ചു. ‘ജൈവ ഇടവിള കൃഷി’ എന്ന പ്രമേയത്തിന് കീഴിൽ, എ ലെവൽ ബയോളജി പ്രോഗ്രാമിലെ 39 വിദ്യാർഥികൾ ശീതകാല പച്ചക്കറി കൃഷിയിൽ സജീവമായി പങ്കെടുത്തു. ബ്രോക്കോളി, കോളിഫ്ലവർ, കാബേജ്, ചെറി തക്കാളി, കാപ്സിക്കം, വെള്ളരിക്ക, ചീര, സ്ട്രോബെറി എന്നിവയാണ് നട്ടുവളർത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.