മ​ർ​ദ​ന​മേ​റ്റ് കോ​ഴി​ക്കോ​ട് സ്വ​ദേ​ശി​യു​ടെ മ​ര​ണം: പ്ര​തി​യു​ടെ ശി​ക്ഷ ശ​രി​വെ​ച്ചു

മ​നാ​മ: ക​ട​യി​ൽ​നി​ന്ന് സാ​ധ​നം വാ​ങ്ങി പ​ണം ന​ൽ​കാ​തെ പോ​യ​ത് ചോ​ദ്യം ചെ​യ്ത​തി​നെ​ത്തു​ട​ർ​ന്ന് മ​ർ​ദ​ന​മേ​റ്റ് കോ​ഴി​​ക്കോ​ട് സ്വ​ദേ​ശി മ​രി​ച്ച സം​ഭ​വ​ത്തി​ൽ പ്ര​തി​യു​ടെ ശി​ക്ഷ സു​പ്രീം ക്രി​മി​ന​ൽ അ​പ്പീ​ൽ കോ​ട​തി ശ​രി​വെ​ച്ചു. ശി​ക്ഷാ​വി​ധി ഭേ​ദ​ഗ​തി ചെ​യ്യാ​ൻ ഒ​രു കാ​ര​ണ​വു​മി​ല്ലെ​ന്ന് സു​പ്രീം ക്രി​മി​ന​ൽ അ​പ്പീ​ൽ കോ​ട​തി വി​ധി​ന്യാ​യ​ത്തി​ൽ പ​റ​ഞ്ഞു. പ്ര​തി കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യ ഹൈ ​ക്രി​മി​ന​ൽ കോ​ട​തി 25 വ​ർ​ഷ​ത്തെ ത​ട​വു​ശി​ക്ഷ​യാ​ണ് വി​ധി​ച്ച​ത്.

ഇ​ത് ചോ​ദ്യം ചെ​യ്ത് സ​മ​ർ​പ്പി​ച്ച ഹ​ര​ജി​യാ​ണ് മേ​ൽ​കോ​ട​തി ത​ള്ളി​യ​ത്. ക​ഴി​ഞ്ഞ ജ​നു​വ​രി​യി​ലാ​യി​രു​ന്നു സം​ഭ​വം. പ​രി​ക്കേ​റ്റ് ബി.​ഡി.​എ​ഫ് ഹോ​സ്പി​റ്റ​ലി​ൽ ചി​കി​ത്സ​യി​ലി​രി​ക്കെ ക​ക്കോ​ടി ചെ​റി​യ​കു​ളം സ്വ​ദേ​ശി കോ​യ​മ്പ്ര​ത്ത് ബ​ഷീ​റാ​ണ് (58) മ​രി​ച്ച​ത്. ബോ​ധ​ര​ഹി​ത​നാ​യ നി​ല​യി​ലാ​ണ് ഹോ​സ്പി​റ്റ​ലി​ൽ പ്ര​വേ​ശി​പ്പി​ച്ച​ത്.

റി​ഫ ഹാ​ജി​യ​ത്തി​ൽ 25 വ​ർ​ഷ​ത്തോ​ളം കോ​ൾ​ഡ് സ്റ്റോ​ർ ന​ട​ത്തി വ​രി​ക​യാ​യി​രു​ന്ന ബ​ഷീ​റി​നെ മ​ർ​ദി​ക്കു​ന്ന​തി​ന്റെ സി.​സി.​ടി.​വി ദൃ​ശ്യ​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. ക​ട​യി​ൽ​നി​ന്ന് സാ​ധ​ന​ങ്ങ​ൾ പ​ണം ന​ൽ​കാ​തെ എ​ടു​ത്തു​കൊ​ണ്ടു​പോ​യ​ത് ചോ​ദ്യം ചെ​യ്ത​പ്പോ​ഴാ​ണ് മ​ർ​ദ​ന​മേ​റ്റ​ത്.

പ്ര​തി മ​ർ​ദി​ക്കു​ന്ന​തി​ന്റെ വി​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. പ്ര​തി​ക്കെ​തി​രെ സ​മാ​ന​മാ​യ മൂ​ന്ന് കേ​സു​ക​ൾ നി​ല​വി​ലു​ണ്ടെ​ന്ന് പ്രോ​സി​ക്യൂ​ഷ​ൻ അ​റി​യി​ച്ചു.