അ​തി​ലോ​ലം അ​നു​രാ​ഗം, തേ​ൻ​മാ​രി​യാ​യ്...വി​ജ​യ് യേ​ശു​ദാ​സി​ന്‍റെ പാ​ട്ടു​ലോ​കം

ച​ല​ച്ചി​ത്ര ഗീ​തി​ക​ളി​ൽ ദീ​പ്ത​മാ​യ ആ​ലാ​പ​നാ​വി​ഷ്‍ക​ര​ണ​ങ്ങ​ളാ​ൽ ശ്ര​ദ്ധേ​യ​നാ​ണ് വി​ജ​യ് യേ​ശു​ദാ​സ്. മെ​ല​ഡി​യു​ടെ ശി​ൽ​പ​ങ്ങ​ൾ ആ​ലാ​പ​ന​ത്തി​ൽ പ​ണി​തെ​ടു​ക്കു​ന്ന​തി​ൽ ഈ ​ഗാ​യ​ക​ൻ വി​ജ​യം കൈ​വ​രി​ച്ചി​ട്ടു​ണ്ട്. മെ​ല​ഡി​യു​ടെ വി​കാ​ര​ലോ​ക​ത്തെ ശ​ബ്ദ​ല​യ​ത്തി​നാ​ൽ പു​തു​ക്കു​ക​യാ​യി​രു​ന്നു വി​ജ​യ് യേ​ശു​ദാ​സ്. ഓ​രോ പാ​ട്ടി​ന്റെ​യും ആ​ലാ​പ​ന​വേ​ള​യി​ൽ മെ​ല​ഡി​യു​ടെ ഭ​ദ്ര​സ്വ​രൂ​പം തീ​ർ​ക്കു​ക​യാ​യി​രു​ന്നു അ​ദ്ദേ​ഹം. ഈ​ണ​ത്തെ ശ​ബ്ദ​ത്തി​ന്റെ സ​വി​ശേ​ഷ മാ​ധു​ര്യ​ത്തി​നാ​ൽ വി​ശ​ദീ​ക​രി​ച്ചു വി​ജ​യ് യേ​ശു​ദാ​സ്. ഇ​ത് ന​മ്മെ പ​ല​പ്പോ​ഴും പാ​ട്ടി​ന്റെ പ​ല ലോ​ക​ങ്ങ​ളി​ലേ​ക്കും പ​ഴ​യ കാ​ല​ങ്ങ​ളി​ലേ​ക്കു​മൊ​ക്കെ ഒ​രു​പോ​ലെ കൊ​ണ്ടു​പോ​കു​ന്നു​ണ്ട്. അ​തി​ലോ​ലം അ​നു​രാ​ഗം തേ​ൻ​മാ​രി​യാ​യ് പെ​യ്തി​റ​ങ്ങു​ക​യാ​ണ് വി​ജ​യ് യേ​ശു​ദാ​സി​ന്റെ പാ​ട്ടു​ക​ളി​ൽ. സാ​ധാ​ര​ണ പാ​ട്ടി​ൽ​പോ​ലും വി​ജ​യ് യേ​ശു​ദാ​സ് എ​ന്ന ഗാ​യ​ക​ൻ പ്ര​ദ​ർ​ശി​പ്പി​ക്കു​ന്ന ശ​ബ്ദ ഭം​ഗി​യു​ടെ ശ്രു​തി​ക​ൾ ശ്ര​ദ്ധേ​യ​മാ​ണ്. ഏ​റെ കാ​ൽ​പ​നി​ക​മാ​യാ​ണ് അ​ദ്ദേ​ഹം പാ​ട്ടി​നെ സ​മീ​പി​ക്കു​ന്ന​ത്. മെ​ല​ഡി​യു​ടെ പ​ല അ​ട​രു​ക​ളു​ള്ള ഒ​രു പാ​ട്ടു​ശി​ൽ​പ​മാ​ണ് വി​ജ​യ് യേ​ശു​ദാ​സി​ന്റേ​ത്. അ​നു​രാ​ഗ​മ​യ​മാ​യി​രു​ന്നു അ​തി​ന്റെ അ​ക​ങ്ങ​ൾ. പ​ല ഗാ​ന​ങ്ങ​ളി​ലും പ്ര​ശാ​ന്ത​നി​ല​യു​ടെ സം​യ​മ​മു​ദ്ര​ക​ൾ കൊ​ത്തി​വെ​ച്ചി​ട​ടു​ള്ള​താ​യി തോ​ന്നും. ബ​ഹ​ള​സ്വ​ര​മാ​ർ​ന്ന ഒ​രു​പാ​ട്ടു​പോ​ലു​മു​ണ്ടാ​വി​ല്ല അ​വ​യി​ൽ ക​ണ്ടെ​ത്താ​ൻ.

1987ൽ ‘​ഇ​ട​നാ​ഴി​യി​ൽ ഒ​രു കാ​ലൊ​ച്ച’ എ​ന്ന സി​നി​മ​യി​ൽ ‘ക​രാ​ഗ്രേ വ​സ​തേ’ എ​ന്ന ശ്ലോ​കം ചൊ​ല്ലി ച​ല​ച്ചി​ത്ര സം​ഗീ​ത​ത്തി​ലേ​ക്ക് പ്ര​വേ​ശി​ക്കു​മ്പോ​ൾ വി​ജ​യി​ക്ക് എ​ട്ടു വ​യ​സ്സാ​യി​രു​ന്നു. പി​ന്നീ​ട് ത​രം​ഗി​ണി​യു​ടെ ആ​ൽ​ബ​ങ്ങ​ളി​ൽ പി​താ​വ് യേ​ശു​ദാ​സി​നൊ​പ്പം ചി​ല പാ​ട്ടു​ക​ൾ പാ​ടി​യെ​ങ്കി​ലും അ​തൊ​ന്നും ശ്ര​ദ്ധി​ക്ക​പ്പെ​ട്ടി​ല്ല. എ​ന്നാ​ൽ, 2000 പി​​റ​ന്ന​തോ​ടെ വി​ജ​യ് യേ​ശു​ദാ​സ് പാ​ട്ടി​ലെ ‘മി​ല്ലേ​നി​യം സ്​​റ്റാ​റാ​യി’ മാ​റി. ​‘ലൈ​ഫ് ഈ​സ് ബ്യൂ​ട്ടി​ഫു​ൾ’ എ​ന്ന ചി​ത്ര​ത്തി​ലെ ഔ​സേ​പ്പ​ച്ച​ൻ ഈ​ണ​മി​ട്ട ‘കേ​ളി​നി​ലാ​വൊ​രു പാ​ലാ​ഴി എ​ന്ന പാ​ട്ടി​ൽ വി​ജ​യ് വീ​ണ്ടും ച​ല​ച്ചി​ത്ര​സം​ഗീ​ത​ത്തി​ൽ തി​രി​ച്ചെ​ത്തി. അ​തേ വ​ർ​ഷം ത​ന്നെ ‘മി​ല്ലേ​നി​യം സ്റ്റാ​ർ​സി’​ലെ വി​ദ്യാ​സാ​ഗ​ർ ഈ​ണ​ങ്ങ​ളു​ടെ പ​കി​ട്ടി​ൽ വി​ജ​യ് ത​ന്റെ ആ​ലാ​പ​ന​ത്തി​ലെ വ്യ​ത്യ​സ്ത സ്ഥാ​യി​ക​ളെ ന​മ്മെ കേ​ൾ​പ്പി​ച്ചു. യേ​ശു​ദാ​സി​ന്റെ കൂ​ടെ ‘ഓ ​മും​ബൈ’, ‘ശ്രാ​വ​ൺ ഗം​ഗെ’ (യേ​ശു​ദാ​സ്, ഹ​രി​ഹ​ര​ൻ എ​ന്നി​വ​ർ​ക്കൊ​പ്പം) വി​ജ​യ് ആ​ലാ​പ​ന​വേ​ള​ക​ൾ പ​ങ്കി​ട്ടു.

ശ​ബ്ദ​ല​യ​ത്തി​ൽ യേ​ശു​ദാ​സി​നെ ഓ​ർ​മി​പ്പി​ക്കു​ന്നു​ണ്ടെ​ങ്കി​ൽ​കൂ​ടി പാ​ട്ടു​പാ​ടു​മ്പോ​ൾ വി​ജ​യ് കൊ​ണ്ടു​വ​രു​ന്ന സൂ​ക്ഷ്മ സ്വ​ര​വി​ചാ​ര​ങ്ങ​ൾ​ക്കാ​ണ് പ്രാ​ധാ​ന്യം. ‘ക​യ്യെ​ത്തും ദൂ​ര​ത്തി’​ലെ ‘വ​സ​ന്ത​രാ​വി​ൻ​കി​ളി​വാ​തി​ൽ’ എ​ന്ന ഔ​സേ​പ്പ​ച്ച​ൻ ഗാ​ന​മാ​ണ് വി​ജ​യി​യെ പോ​പ്പു​ല​ർ ആ​ക്കി​യ​ത്. ഇ​തി​നി​ട​ക്ക് ‘അ​മ്മ​ക്കി​ളി​ക്കൂ​ടി’​ൽ ര​വീ​ന്ദ്ര​ൻ സം​ഗീ​തം ചെ​യ്ത ‘എ​ന്തി​നീ പാ​ട്ടി​ന് മ​ധു​രം’ എ​ന്ന ഗാ​നം രാ​ധി​കാ​ തി​ല​കി​നൊ​പ്പം ആ​ല​പി​ച്ചു. ഇ​ള​യ​രാ​ജ​യു​ടെ സം​ഗീ​ത​ത്തി​ൽ വി​ജ​യ് പാ​ടി​യ ആ​ദ്യ​ഗാ​നം ‘മ​ന​സ്സി​ന​ക്ക​ര’​യി​ലെ ‘ത​ങ്ക​ത്തി​ങ്ക​ൾ വാ​നി​ൽ’ ആ​യി​രു​ന്നു. ഇ​ത്ര​യു​മാ​യ​പ്പോ​ഴേ​ക്കും വി​ജ​യ് എ​ന്ന ഗാ​യ​ക​ന്റെ ആ​ലാ​പ​നാ​വി​ഷ്‍കാ​ര വൈ​വി​ധ്യ​ങ്ങ​ൾ എ​ല്ലാ​വ​രു​ടെ​യും ശ്ര​ദ്ധ പി​ടി​ച്ചു​പ​റ്റി​യി​രു​ന്നു.

വി​ജ​യിയു​ടെ ഓ​രോ പാ​ട്ടി​നും അ​തി​ന്റേ​താ​യ അ​ഴ​കി​ന്റെ അ​ന​ന്യ​ത​ക​ൾ ഉ​ണ്ടാ​യി​രു​ന്നു. മെ​ല​ഡി​യി​ൽ അ​ലി​ഞ്ഞ് സ​ഫ​ല​മാ​യി​ത്തീ​രു​ന്ന ആ​ലാ​പ​ന​ത്തി​ക​വാ​യി​രു​ന്നു അ​ദ്ദേ​ഹ​ത്തി​ന്റെ ആ​ലാ​പ​നം. മെ​ല​ഡി എ​ന്ന സം​ഗീ​ത പ്ര​സ്താ​വ​ന​യി​ൽ അ​തി​ലെ സം​ഗീ​ത സ്വ​ര​ങ്ങ​ൾ, ശ്രു​തി, സ്ഥാ​യി, ഇ​ട​വേ​ള​ക​ൾ, ഉ​യ​ർ​ച്ച താ​ഴ്ച​ക​ൾ, വൈ​കാ​രി​ക​രം​ഗ​ങ്ങ​ൾ എ​ന്നി​ങ്ങ​നെ എ​ല്ലാ​റ്റി​ലും പ​ങ്ക് ചേ​ര​​ു​ന്നു​ണ്ടാ​യി​രു​ന്നു വി​ജ​യ് യേ​ശു​ദാ​സി​ന്റെ ആ​ലാ​പ​ന വേ​ള​ക​ൾ. ലെ​ഗാ​റ്റോ മെ​ല​ഡീ​സ് എ​ന്നൊ​ക്കെ പ​റ​യു​ന്ന വി​ധ​ത്തി​ലു​ള്ള സ്വ​ര​ങ്ങ​ൾ​ക്കി​ട​യി​ൽ ഒ​രു മു​റി​വു​മി​ല്ലാ​തെ മൃ​ദു​വും ഒ​ഴു​കു​ന്ന​തു​മാ​യ മെ​ല​ഡി​യാ​യി​രു​ന്നു വി​ജ​യ് യേ​ശു​ദാ​സി​ന്റേ​ത്. രാ​ധി​കാ തി​ല​കി​നോ​ടൊ​പ്പം പാ​ടി​യ ‘മു​ത്ത​ണി​മ​ണി​വി​ര​ലാ​ൽ’ എ​ന്ന ര​വീ​ന്ദ്ര​ൻ ഗാ​ന​ത്തി​ലെ പ്രോ​ഗ്ര​ഷ​നു​ക​ളി​ൽ വി​ജ​യ് യേ​ശു​ദാ​സി​ന്റെ ശ​ബ്ദ​മു​ണ​ർ​ത്തു​ന്ന മെ​ല​ഡി​ക് കോ​ഡു​ക​ളും ടോ​ണു​ക​ളു​മൊ​​ക്കെ എ​ടു​ത്തു​പ​റ​യേ​ണ്ട​താ​ണ്. ജോ​ൺ​സ​നു​മാ​യി വി​ജ​യ് പ​ങ്കി​ട്ട ഗാ​ന​ങ്ങ​ളി​ൽ പാ​ശ്ചാ​ത്യ മെ​ല​ഡി​യു​ടെ ആ ​സ്വ​ര​വി​ന്യാ​സ​ങ്ങ​ളു​ണ്ടാ​യി​രു​ന്നു. ‘പൂ​മ്പു​ഴ​യി​ൽ’ (ഫോ​ട്ടോ​ഗ്രാ​ഫ​ർ), ‘ഒ​രു​നാ​ൾ ശു​ഭ​രാ​ത്രി’ (ഗു​ൽമോ​ഹ​ർ), ‘പാ​തി​മാ​ഞ്ഞ പാ​ട്ടു​മാ​യ്’ (വെ​ള്ള​ത്തൂ​വ​ൽ), ‘പോ​ക്കു​വെ​യി​ൽ ചാ​ഞ്ഞു​പോ​കും’ (ന​വാ​ഗ​ത​ർ​ക്ക് സ്വാ​ഗ​തം) ഇ​ങ്ങ​നെ ചി​ല ഗാ​ന​ങ്ങ​ളി​ൽ മാ​ത്രം ജോ​ൺ​സ​ന് വേ​ണ്ടി പാ​ടി​യു​ള്ളൂ​വെ​ങ്കി​ലും അ​തെ​ല്ലാം വി​ജ​യ് പാ​ടി​യ മി​ക​ച്ച ഗാ​ന​ങ്ങ​ളാ​യി​രു​ന്നു.

മെ​ലഡി​ക് ലാ​ൻഡ്സ്കേ​പ് (Melodic landscape) എ​ന്ന് പ​റ​യു​ന്ന ഒ​രി​ടം വി​ജ​യ് യേ​ശു​ദാ​സി​ന്റെ പാ​ട്ടു​ക​ളി​ലു​ണ്ട്. ഔ​സേ​പ്പ​ച്ച​ന്റെ സം​ഗീ​ത​ത്തി​ൽ വി​ജ​യ് പാ​ടി​യ ‘സാ​ന്ധ്യ​താ​ര നി​ശീ​ഥ വീ​ഥി​യി​ൽ’ എ​ന്ന പാ​ട്ടി​ലൊ​ക്കെ ഇ​ത്ത​ര​മൊ​രു അ​നു​ഭ​വ​സ്ഥ​ലം കാ​ണാ​നാ​വും. തു​ട​ർ​ച്ച​യാ​യ സ്വ​ര​ങ്ങ​ൾ​ക്കി​ട​യി​ലു​ള്ള ചെ​റി​യ ഇ​ട​വേ​ള​ക​ൾ എ​ടു​ത്ത് പാ​ട്ടി​നെ മൃ​ദു​വാ​യി പ​രി​ച​രി​ക്കു​ന്ന​ത് വ​ഴി അ​ത് കൂ​ടു​ത​ൽ പ്ര​വാ​ഹ​യോ​ഗ്യ​വും കാ​വ്യാ​ത്മ​ക​വു​മാ​യി മാ​റു​ക​യാ​ണ് (Conjunct melody) വി​ജ​യിയു​ടെ പാ​ട്ടു​ക​ളി​ൽ. മെ​ല​ഡി​ക് മോ​ട്ടിഫി​ൽ​നി​ന്ന് ത​ന്നെ ആ ​പാ​ട്ടു​ക​ളി​ലെ മു​ഴു​വ​ൻ ആ​ശ​യ​വും മൂ​ഡും മ​ന​സ്സി​ലാ​ക്കാ​നാ​വും. കോ​ർ​ഡ്സ്, ഹാ​ർ​മ​ണി എ​ന്നി​വ​യൊ​ക്കെ അ​നു​യാ​ത്ര​ചെ​യ്യു​ന്ന ഗാ​ന​ങ്ങ​ളി​ൽ (Homophonic melody) വി​ജ​യ് ത​ന്റേ​താ​യ ശ​ബ്ദ​സാ​ന്നി​ധ്യം പ്ര​ക​ടി​പ്പി​ച്ചു. ഇ​ള​യ​രാ​ജ സം​ഗീ​തം ചെ​യ്ത നി​ര​വ​ധി ഗാ​ന​ങ്ങ​ൾ ഇ​ത്ത​രം ഗ​ണ​ത്തി​ൽ​പെ​ടു​ന്നു.

മെ​ല​ഡി​യി​ൽ ഇ​ള​യ​രാ​ജ സാ​ധ്യ​മാ​ക്കി​യ അ​ന​ന്ത​മാ​യ വൈ​വി​ധ്യ​ത്തി​ൽ ഭാ​ഗ​മാ​വാ​ൻ വി​ജ​യ് യേ​ശു​ദാ​സി​നും അ​വ​സ​രം ല​ഭി​ച്ചു. അ​ക്കി​ക്കൊ​ക്കി (വി​നോ​ദ​യാ​ത്ര), പാ​ട്ടെ​ല്ലാം (സൂ​ര്യ​ൻ), ക​സ്തൂ​രി​പ്പൊ​ട്ടും തൊ​ട്ടെ​ൻ (ഇ​ന്ന​ത്തെ ചി​ന്താ​വി​ഷ​യം), അ​ല്ലി​പ്പൂ​വേ മ​ല്ലി​പ്പൂ​വേ (ഭാ​ഗ്യ​ദേ​വ​ത), താ​രം​ചെ​ന്താ​രം (ക്ലി​ന്റ്), പൂ​ത്തു​മ്പ​ക്കി​ന്ന​ല്ലോ പൊ​ന്നോ​ണം (സ​​ഫേ​ദാ​ർ), മ​ഴ​മേ​ഘ​ച്ചേ​ലി​ൽ (ക​ഥ തു​ട​രു​ന്നു), ഒ​രു ചി​രി​ക​ണ്ടാ​ൽ (പൊ​ന്മു​ടി​പ്പ​ഴ​യോ​രം), പു​ല​രി​​പ്പൂ​പ്പെ​ണ്ണേ (എ​ന്നും എ​പ്പോ​ഴും)... അ​ങ്ങ​​നെ ഇ​ള​യ​രാ​ജ​യു​ടെ റി​ഥം മെ​ല​ഡി​ക​ളി​ലും വി​ജ​യ് യേ​ശു​ദാ​സി​ന്റെ സ്വ​രം സാ​ന്ദ്ര​മാ​കു​ന്നു. പെ​ട്ടെ​ന്നു​ള്ള പ്രോ​ഗ്ര​ഷ​നോ സം​ക്ര​മ​ണ​മോ ഇ​ല്ലാ​ത്ത രീ​തി​യി​ലു​ള്ള തീ​ര​ശ്ചീ​ന മെ​ല​ഡി​ക​ളി​ൽ (Horizontal melody)വി​ജ​യി​ക്കു​ന്നു​ണ്ട് വി​ജ​യ്. പ്ര​ത്യേ​കി​ച്ചും ക്രി​സ്തീ​യ ഗാ​ന​ങ്ങ​ൾ അ​ദ്ദേ​ഹ​ത്തി​ന്റെ പാ​ട്ടു​ലോ​ക​ത്തി​ന്റെ പ്ര​ത്യേ​ക​ത​യാ​ണ്. ‘പ​രി​ശു​ദ്ധ ക​ന്യാ​മ​റി​യ​മേ’ (പ​റു​ദീ​സ), ‘ഒ​ടു​വി​ലീ യാ​ത്ര​ക്കാ​യ്’ (ജോ​ർ​ജേ​ട്ട​ൻ​സ് പു​രം), ‘ഉ​ല​കം നീ​യേ ഉ​യി​രും നീ​യേ’ (പ​ക​ലും പാ​തി​രാ​വും), ‘ഉ​ത്ത​മ​രാ​യോ​രേ ഒ​ത്തി​ണ​ക്കു​ന്നൊ​രു’ (ജി​മ്മി ഈ ​വീ​ടി​ന്റെ ഐ​ശ്വ​ര്യം), ‘വി​ണ്ണി​ൽ തെ​ളി​യും മേ​ഘ​മേ’ (പാ​വ), ‘ഉ​യി​രി​ൻ നാ​ഥ​നേ’ (ജോ​സ​ഫ്), അ​ങ്ങ​​നെ പ​രി​ശു​ദ്ധ ഗീ​തി​ക​ളു​ടെ നീ​ണ്ട നി​ര​ക​ൾ.

ഡ്യൂ​യ​റ്റ് ഗാ​ന​ങ്ങ​ളി​ൽ വി​ജ​യിയു​ടെ സ്വ​രം സ​ഹ​ഗാ​യ​ക​ർ​ക്ക​നു​സ​രി​ച്ച് അ​തി​ന്റെ ടെ​ക്സ്ച്റി​ൽ വ്യ​തി​യാ​ന​പ്പെ​ടു​ന്നു​ണ്ട്. പ്ര​ണ​യ​ത്തി​ന്റെ പ്ര​മ​ദ​വ​ന​ങ്ങ​ൾ കാ​ണി​ച്ചു​ത​രി​ക​യാ​ണ് ആ ​ഗാ​ന​ങ്ങ​ൾ. ഒ​രു ചി​രി​ക​ണ്ടാ​ൽ, തേ​നു​ണ്ടോ പൂ​വേ (മ​ഞ്ജ​രി), കോ​ല​ക്കു​ഴ​ൽ വി​ളി, ഒ​രു​നാ​ൾ ശു​ഭ​രാ​ത്രി, പ്രി​യ​നു​മാ​ത്രം, ഓ​രോ ക​ന​വും, നീ​ല​മേ​ഘം പൊ​ഴി​യാ​തെ, കാ​തി​ൽ ചി​രി​യോ​ടെ, ഇ​തി​ലേ തോ​ഴി, നീ​ല​മി​ഴി​കൊ​ണ്ട് നീ​ല​ക്ക​ണ്ണു​ള്ള മാ​നേ (ശ്വേ​ത മോ​ഹ​ൻ), നാ​ട്ടു​വ​ഴി​യോ​ര​ത്തെ, മ​ഞ്ജു ന​ർ​ത്ത​ന​ശാ​ല​യി​ൽ, വീ​ണ്ടും ത​ളി​പൊ​ടി​ഞ്ഞു (ചി​ത്ര), അ​ത്തി​മ​ര​ക്കൊ​മ്പി​ലെ, പ്ര​ണ​യ​മ​യി രാ​ധ, കി​ളി​ക​ൾ പാ​ടു​മൊ​രു ഗാ​നം, ക​ണ്ണോ​ണ്ട് ചെ​ല്ല​ണ് (ശ്രേ​യാ ഘോ​ഷാ​ൽ), പൂ​രം​കാ​ണാ​ൻ, ഏ​തോ പാ​ട്ടി​ന്നീ​ണം, നീ ​മു​കി​ലോ (സി​താ​ര), പൊ​വെ​യി​ലി​ൽ (ആ​ൻ​മേ​രി), തൊ​ട്ടു​തൊ​ട്ടു വി​ട​ർ​ന്നു (ചി​ൻ​മ​യി), എ​ന്തി​നീ പാ​ട്ടി​ന് മ​ധു​രം, മു​ത്ത​ണി മ​ണി​വി​ര​ലാ​ൽ (രാ​ധി​കാ തി​ല​ക്), ചെ​റു​പ്പ​ത്തി​ൽ ന​മ്മ​ൾ ര​ണ്ടും (മ​ധു ശ്രീ​നാ​രാ​യ​ണ​ൻ), പൂ​വാ​കും നീ​യെ​ൻ (അ​ഞ്ജു ജോ​സ​ഫ്), അ​തി​ര​ലി​യും (ല​തി​ക), ആ​ന​ന്ദ​വൃ​ന്ദാ​വ​ന​ത്തി​ൽ’ (സം​ഗീ​ത)... ഇ​ങ്ങ​നെ എ​ത്ര​യെ​ത്ര ഡ്യു​യ​റ്റു​ക​ളാ​ണ് വി​ജ​യ് യേ​ശു​ദാ​സി​ന്റെ പാ​ട്ടു​​ലോ​ക​ത്തി​ൽ.

മെ​ല​ഡി​യു​ടെ ഒ​രു ദീ​പ്ത പ്ര​പ​ഞ്ചം ത​ന്നെ​യു​ണ്ട് വി​ജ​യ് യേ​ശു​ദാ​സി​ന്റേ​താ​യി. ‘കൂ​വ​രം​കി​ളി, കാ​റ്റു​വ​ന്നു​വോ, ഒ​രു കാ​വാ​ളം പൈ​ങ്കി​ളി, നീ​ല​നീ​ല​മി​ഴി​ക​ളോ, കാ​റ്റി​ൽ ഒ​രു ജാ​ല​കം, കോ​ല​കു​ഴ​ൽ​വി​ളി, പ്രി​യ​നു​മാ​ത്രം, പാ​ട്ടി​ന്റെ പാ​ൽ​ക്ക​ട​വി​ൽ, പ്ര​ണ​യ​മ​യ​നീ​രാ​ധ, മ​ഴ​ത്തു​ള്ളി​പ്പ​ളു​ങ്കു​ക​ൾ (എം. ​ജ​യ​ച​ന്ദ്ര​ൻ), വ​ള​യൊ​ന്നി​താ, ഊ​രും​പേ​രും പ​റ​യാ​തെ (വി​ദ്യാ​സാ​ഗ​ർ), അ​ണ്ണാ​റ​ക്ക​ണ്ണാ​വാ, ഓ​ർ​മ​ക​ളി​ലോ​ർ​മ​ക​ളി​ൽ, പൂ​വേ പൊ​ന്നാ​മ്പ​ൽ​പ്പൂ​വേ (മോ​ഹ​ൻ സി​താ​ര), കാ​തി​ൽ ചി​രി​യോ​ടെ, മേ​ലേ ചേ​ലോ​ടെ, മൗ​ന​ങ്ങ​ൾ മി​ണ്ടു​മൊ​രീ, വോ​ഴാ​മ്പ​ൽ മി​ഴി​ക​ൾ (ബി​ജി​ബാ​ൽ), അ​ക​ലെ​യോ നീ, ​അ​നാ​ദി​യു​ഗ​ങ്ങ​ളാ​യ് (ദീ​പ​ക്ദേ​വ്), കൈ​വീ​ശി​നീ​ങ്ങു​ന്ന, ഒ​ടു​വി​ലീ​യാ​ത്ര​ക്കാ​യ്, ഏ​തോ പാ​ട്ടി​ന്നി​ണം, നീ​മു​കി​ലോ (ഗോ​പീ​സു​ന്ദ​ർ), ഹേ​മ​ന്ത​മെ​ൻ (രാ​ഹു​ൽ​രാ​ജ്), മ​ല​രേ നി​ന്നെ (രാ​ജേ​ഷ് മു​രു​കേ​ശ​ൻ), ക​ണ്ണി​ൽ നി​ന്റെ ക​ണ്ണി​ൽ, ജാ​ല​ക​ത്തി​ൻ നി​ല​വി​രി (രാ​ജീ​വ്, ഒ.​എ​ൻ.​വി), ചോ​ല​പ്പെ​ണ്ണേ നീ

(​എ.​ആ​ർ. റ​ഹ്മാ​ൻ), പ​ക​ലാ​യ് (പ്രി​ൻ​സ് ജോ​ർ​ജ്), എ​ൻ രാ​മ​ഴ​യി​ൽ, നീ​യാം ത​ണ​ലി​ന് (ര​തി​ഷ് വേ​ഗ), പൂ​മു​ത്തോ​ളേ (ര​ഞ്ജി​ൻ​രാ​ജ്), ഹൃ​ദ​യം മ​ണി​വേ​ണു​വി​ൽ (ഡൊ​ണാ​ൾ​ഡ് മാ​ത്യു), ഇ​വ​ളാ​രോ (മ​ണി​കണ്​ഠ അ​യ്യ​പ്പ), ഇ​തി​ലേ തോ​ഴി (രാ​ജാ​മ​ണി), പു​ല​ർ​കാ​ല​മേ​ഘം (വി​ദ്യാ​ധ​ര​ൻ), നി​ലാ​വാ​നി​ലേ (സു​ദീ​പ് പാ​ല​നാ​ട്), മ​ഞ്ജു​ന​ർ​ത്ത​ന​ശാ​ല​യി​ൽ (ദ​ക്ഷി​ണാ​മൂ​ർ​ത്തി), പെ​രും​നു​ണ​പ്പു​ഴ (അ​ല​ക്സ്​​പോ​ൾ), നാ​ട്ടു​വ​ഴി​യോ​ര​ത്തെ (ബെ​ന​റ്റ് വി​ത് രാ​ഗ്), മാ​മ​ര​ങ്ങ​ളേ (ഷാ​ർ റ​ഹ്മാ​ൻ), മ​ഴ​കൊ​ണ്ടു​മാ​ത്രം, ഈ ​പു​ഴ​യും സ​ന്ധ്യ​ക​ളും (ഷ​ഹ​ബാ​ബ് അ​മ​ൻ), നീ​ലാം​ബ​രി, ആ​ദ്യാ​നു​രാ​ഗം (സ​ഞ്ജ​യ് ചൗ​ധ​രി), ക​ണ്ണീ​ർ​ക്ക​ട​ലി​ൽ’ (ര​വീ​ന്ദ്ര​ജെ​യി​ൻ)... ഇ​ങ്ങ​നെ വി​ജ​യ് യേ​ശു​ദാ​സ് പാ​ടി​യ ല​ളി​ത​സു​ന്ദ​ര​ഗാ​ന​ങ്ങ​ളു​ടെ എ​ണ്ണം ഏ​റു​ക​യാ​ണ്.

യേ​ശു​ദാ​സ് പാ​ടി​യ പ​ല ഗൃ​ഹാ​തു​ര ഗാ​ന​ങ്ങ​ളു​ടെ​യും പു​ന​ർ​നി​ർ​മി​തി​ക​ൾ വി​ജ​യ് യേ​ശു​ദാ​സി​ന്റെ ശ​ബ്ദ​ത്തി​ൽ വീ​ണ്ടും ന​മ്മി​ലേ​ക്കെ​ത്തി. മ​ല​യാ​ളി​ക​ൾ മ​ന​സ്സി​ൽ കൊ​ണ്ടു​ന​ട​ന്ന അ​ല്ലി​യാ​മ്പ​ൽ, ഇ​ളം​മ​ഞ്ഞി​ൻ കു​ളി​രു​മാ​യ്, പൂ​മു​ഖ​വാ​തി​ൽക്ക​ൽ, കി​ഴ​ക്കേ മ​ല​യി​ലെ... അ​ങ്ങ​നെ വി​ജ​യ് യേ​ശു​ദാ​സ് ന​മ്മെ ഗ​ത​കാ​ല സ്മൃ​തി​ക​ളി​ലേ​ക്ക് കൊ​ണ്ടു​പോ​കു​ന്നു. ത​മി​ഴ് പാ​ട്ടു​ക​ളി​ലും വി​ജ​യ് യേ​ശു​ദാ​സി​ന്റെ ശ​ബ്ദ​സ്വ​ര​ങ്ങ​ളു​ടെ ഉ​ചി​ത​വി​ന്യാ​സം നാ​മ​റി​ഞ്ഞു. ഹേ​യ് ഉ​മ​യാ​ൾ, അ​വ​ളും നാ​നും, നീ ​പാ​ർ​ത്ത മി​ഴി​ക​ൾ, കാ​ത​ൽ​മ​ട്ടും, കാ​ത​ൽ വൈ​ത്ത്... അ​ങ്ങ​നെ വൈ​വി​ധ്യ​ഭാ​സു​ര​മാ​യ ആ​ലാ​പ​ന ശൈ​ലി​യി​ൽ വി​ജ​യ് ത​മി​ഴ്നാ​ടി​നും പ്രി​യ​ങ്ക​ര​നാ​വു​ന്നു. ശ​ബ്ദ​ത്തി​ന്റെ ലാ​വ​ണ്യ​സാ​ര​ത്തെ വി​ജ​യ​പൂ​ർ​വാ​പാ​രി​ൽ പ​രീ​ക്ഷി​ക്കു​ക​യാ​ണ​ദ്ദേ​ഹം. ആ​ലാ​പ​ന​ത്തി​ൽ മ​ന്ദ്ര​മ​ധു​ര​മാ​യ ച​മ​ത്കാ​ര​ങ്ങ​ൾ ന​ൽ​കി. വി​ജ​യ് യേ​ശു​ദാ​സി​ന്റെ ശാ​രീ​ര​ത്തി​ൽ ഗ​മ​ക​ങ്ങ​ളു​ടെ​യു​ം ബൃ​ഗ​ക​ളു​ടെ​യും മാ​ധ്യ​മാ​ർ​ഗ​ത്തി​ലു​ള്ള ഒ​രു സ​ഞ്ചാ​രം കാ​ണാം. പ്ര​സാ​ദ​ഭ​രി​ത​മാ​യ സ്വ​ര​ങ്ങ​ളു​ടെ പ്ര​വാ​ഹ​ദീ​പ്തി​യി​ൽ കേ​ൾ​വി​ക്കാ​ർ​ക്ക് അ​നു​ഭൂ​തി​യു​ടെ നി​മി​ഷ​ങ്ങ​ൾ പ​ക​രാ​ൻ വി​ജ​യ് യേശുദാസിന് ക​ഴി​യു​ന്നു. മൂ​ന്ന് സം​സ്ഥാ​ന അ​വാ​ർ​ഡു​ക​ൾ (കോ​ല​ക്കു​ഴ​ൽ​വി​ളി -2007), മ​ഴ​കൊ​ണ്ടു​മാ​ത്രം, അ​ക​ലെ​യോ​നീ (2012), പൂ​മു​ത്തോ​ളേ (2018) അ​ദ്ദേ​ഹ​ത്തെ തേ​ടി​യെ​ത്തി. യേ​ശു​ദാ​സി​ന്റെ ശ​ബ്ദ​സൗ​ഭാ​ഗ്യ​ത്തി​ന്റെ തീ​ക്ഷ്ണ​വ​സ​ന്ത​ങ്ങ​ൾ ക​ഴി​ഞ്ഞു തു​ട​ങ്ങു​മ്പോ​ൾ അ​ത്ര​ക്കും വ​ശ്യ​ത വ​ഴി​ഞ്ഞൊ​ഴു​കു​ന്ന മ​റ്റൊ​രു ശ​ബ്ദ​ത്തി​ന് നാം ​കാ​തോ​ർ​ക്കു​മ്പോ​ൾ നാ​ദ​പ്ര​ഭ​യു​ടെ ആ​ക​ർ​ഷ​ക​മാ​യ ആ​ത്മ​വി​ശ്വാ​സ​വു​മാ​യി വി​ജ​യ് യേ​ശു​ദാ​സ് ഇ​വി​ടെ​യു​ണ്ടാ​കു​മെ​ന്ന​ത് ആ​സ്വാ​ദ​ക​ർ​ക്ക് ആ​ശ്വാ​സം പ​ക​രു​മെ​ന്നു​റ​പ്പാ​ണ്.