ഷൈന് ടോം ചാക്കോ,ബാലു വര്ഗീസ്, കനി കുസൃതി എന്നിവരെ പ്രധാന കഥാപാത്രങ്ങളാക്കി അച്ചു വിജയൻ സംവിധാനം ചെയ്യുന്ന ചിത്രമാണ് വിചിത്രം. ചിത്രത്തിലെ കനി കുസൃതിയുടെ ക്യാരക്ടർ പോസ്റ്റർ പുറത്ത്. മാർത്ത എന്ന കഥാപാത്രത്തെയാണ് നടി ചിത്രത്തിൽ അവതരിപ്പിക്കുന്നത്. ശക്തമായ കഥാപാത്രങ്ങളിലൂടെ പ്രേക്ഷകരുടെ കൈയടി നേടിയ കനി കുസൃതിയുടെ മറ്റൊരു മികച്ച കഥാപാത്രമായിരിക്കും ഇതെന്നാണ് പോസ്റ്റർ നൽകുന്ന സൂചന.
പേരുകൊണ്ടും പോസ്റ്ററിന്റെ പ്രത്യേകതകള് കൊണ്ടും ശ്രദ്ധേയമായ ചിത്രമാണ് വിചിത്രം. അച്ചു വിജയനാണ് ചിത്രം സംവിധാനം ചെയ്യുന്നത്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയും അച്ചു വിജയനും ചേര്ന്നാണ് ചിത്രം നിര്മിക്കുന്നത്. ഷൈന് ടോം ചാക്കോ,ബാലു വര്ഗീസ്, കനി കുസൃതി എന്നിവരെ കൂടാതെ ലാല്, ജോളി ചിറയത്ത്, കേതകി നാരായണ് തുടങ്ങി നിരവധി പേര് ചിത്രത്തിന്റെ ഭാഗമാകുന്നുണ്ട്. നിഖില് രവീന്ദ്രനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
അര്ജുന് ബാലകൃഷ്ണനാണ് ഛായാഗ്രഹണം നിര്വഹിച്ചിരിക്കുന്നത്. സംഗീത സംവിധാനം; ജുബൈർ മുഹമ്മദ് , എഡിറ്റ് അച്ചു വിജയന്, സുരേഷ് പ്ലാച്ചിമട മേക്കപ്പും ദിവ്യ ജോബി കോസ്റ്റ്യൂമും കൈകാര്യം ചെയ്തിരിക്കുന്നു. ചീഫ് അസ്സോസിയേറ്റ് ഡയറക്ടര്- ഉമേഷ് രാധാകൃഷ്ണന്, സൗണ്ട് ഡിസൈന്- വിഷ്ണു ഗോവിന്ദ് ശ്രീ ശങ്കര്, സ്റ്റില്- രോഹിത് കെ സുരേഷ്, വിഎഫ്എക്സ് സൂപ്പര് വൈസര്- ബോബി രാജന്, പി ആര് ഒ ആതിര ദില്ജിത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.