മികച്ച ബാലതാരമായതി​െൻറ ഓർമത്തിളക്കത്തിൽ ഹെൻസി

തൃ​ശൂ​ർ: സ്ക്രീ​നി​ൽ ഹെ​ൻ​സി​യു​ടെ ഓ​മ​ന​ത്ത​മു​ള്ള കു​ഞ്ഞു​മു​ഖം തെ​ളി​ഞ്ഞ​​പ്പോ​ൾ റോ​യ​ൽ ഗ്രെ​യ്സ് അ​ടു​ത്തി​രു​ന്ന കു​ഞ്ഞ​നി​യ​ൻ റോം ​ജേ​ക്ക​ബി​നെ തൊ​ട്ടു​വി​ളി​ച്ച് കാ​ണി​ച്ചു​ക്കൊ​ടു​ത്തു; ദാ ​ഇ​താ ന​മ്മു​ടെ അ​മ്മ. എ​ന്ത് ര​സാ​ല്ലേ... ​​തൊ​ട്ട​ടു​ത്തി​രു​ന്ന് ഹെ​ൻ​സി മ​ന​സ്സ് നി​റ​ഞ്ഞ് ചി​രി​ച്ചു.

പി.​ടി. കു​ഞ്ഞു​മു​ഹ​മ്മ​ദി​ന്റെ ‘ഗ​ർ​ഷോം’ സി​നി​മ ക​ണ്ട​വ​ർ​ക്ക് ന​ട​ൻ മു​ര​ളി​യെ​യും ന​ടി ഉ​ർ​വ​ശി​യെ​യും അ​വ​രു​ടെ ര​ണ്ട് മ​ക്ക​ളെ​യും മ​റ​ക്കാ​ൻ ക​ഴി​യി​ല്ല. ഗ​ർ​ഷോ​മി​ൽ മു​ര​ളി​യു​ടെ മ​ക​ളാ​യി അ​ഭി​ന​യി​ച്ച​ത് ഹെ​ൻ​സി​യാ​യി​രു​ന്നു. സി​നി​മ​യു​ടെ സം​വി​ധാ​യ​ക​ൻ പി.​ടി. കു​ഞ്ഞു​മു​ഹ​മ്മ​ദി​നെ ആ​ദ​രി​ക്കു​ന്ന​തി​ന്റെ ഭാ​ഗ​മാ​യി തൃ​ശൂ​ർ സാ​ഹി​ത്യ അ​ക്കാ​ദ​മി ഓ​ഡി​റ്റോ​റി​യ​ത്തി​ൽ സം​ഘ​ടി​പ്പി​ച്ച ‘പി.​ടി ക​ല​യും കാ​ല​വും’ എ​ന്ന പ​രി​പാ​ടി​യി​ൽ സം​ബ​ന്ധി​ക്കാ​നാ​ണ് ഹെ​ൻ​സി കുടുംബത്തോടൊപ്പം എ​ത്തി​യ​ത്. പ​രി​പാ​ടി​യു​ടെ ഭാ​ഗ​മാ​യി സി​നി​മ പ്ര​ദ​ർ​ശി​പ്പി​ക്കു​ക​യും ചെ​യ്തി​രു​ന്നു.

ചേ​ർ​പ്പ് വ​ല്ല​ച്ചി​റ പി​ടി​യ​ത്ത് വീ​ട്ടി​ൽ ആ​​ന്റോ​യു​ടെ​യും ഫി​ലോ​മി​ന​യു​ടെ​യും മ​ക​ളാ​ണ് ഹെ​ൻ​സി. ഏ​ഴാം ക്ലാ​സി​ൽ പ​ഠി​ക്കു​മ്പോ​ഴാ​ണ് സം​വി​ധാ​യ​ക​ൻ പ്രി​യ​ന​ന്ദ​ന​ൻ വ​ഴി ‘ഗ​ർ​ഷോം’ സി​നി​മ​യി​ലേ​ക്ക് എ​ത്തു​ന്ന​ത്. സി​നി​മ​യി​ലു​ട​നീ​ള​മു​ള്ള ക​ഥാ​പാ​ത്ര​മാ​യി​രു​ന്നു ഹെ​ൻ​സി​യു​ടേ​ത്. ര​ണ്ട് മാ​സം നീ​ണ്ടു​നി​ന്ന ഷൂ​ട്ടി​ങ് അ​നു​ഭ​വ​ങ്ങ​ൾ ഹെ​ൻ​സി ഇ​പ്പോ​ഴും ന​ന്നാ​യി ഓ​ർ​ക്കു​ന്നു. സി​നി​മ​യി​ൽ അ​നി​യ​നാ​യി അ​ഭി​ന​യി​ച്ച സി​ദ്ധാ​ർ​ഥു​മാ​യി ഇ​പ്പോ​ഴും ബ​ന്ധം നി​ല​നി​ർ​ത്തു​ന്നു​ണ്ടെ​ന്ന് ഹെ​ൻ​സി പ​റ​ഞ്ഞു.

1998-99 വ​ർ​ഷ​ത്തെ മി​ക​ച്ച ബാ​ല​ന​ടി​ക്കു​ള്ള സം​സ്ഥാ​ന ച​ല​ച്ചി​ത്ര പു​ര​സ്കാ​ര​വും ഹെ​ൻ​സി​ക്കാ​യി​രു​ന്നു. ഗ​ർ​ഷോ​മി​ന് ശേ​ഷം ‘കാ​ട്ടു​മ​ണി​പ്പൂ​ക്ക​ൾ’ എ​ന്ന സി​നി​മ​യി​ലും ‘ശ​മ​ന​താ​ളം’ എ​ന്ന സീ​രി​യ​ലി​ലും അ​ഭി​ന​യി​ച്ചു. അ​ച്ഛ​ൻ ചെ​റു​പ്പ​ത്തി​ലേ മ​രി​ച്ച​തി​നാ​ൽ പി​ന്നീ​ട് അ​വ​സ​ര​ങ്ങ​ൾ ല​ഭി​ച്ചി​ട്ടും അ​ഭി​ന​യ ജീ​വി​തം തു​ട​ർ​ന്നി​ല്ല എ​ന്ന് ഹെ​ൻ​സി പ​റ​യു​ന്നു.

വാ​ട്ട​ർ അ​തോ​റി​റ്റി കോ​ൺ​ട്രാ​ക്ട​ർ സി​ന്റോ​യാ​ണ് ഭ​ർ​ത്താ​വ്. സി​​ന്റോ​യു​ടെ ഓ​ഫി​സ് കാ​ര്യ​ങ്ങ​ളി​ൽ സ​ഹാ​യി​ക്കു​ന്ന റോ​ളാ​ണ് ഇ​പ്പോ​ൾ ഈ ​മി​ക​ച്ച ‘ബാ​ല​ന​ടി’​ക്ക്. റോ​സ് വെ​ൽ, റോ​യ​ൽ ഗ്രെ​യ്സ്, റോം ​ജേ​ക്ക​ബ് എ​ന്നി​ങ്ങ​നെ മൂ​ന്ന് മ​ക്ക​ളാ​ണ് സി​ന്റോ-​ഹെ​ൻ​സി ദ​മ്പ​തി​ക​ൾ​ക്ക്.

ഇ​നി​യും അ​വ​സ​രം ഒ​ത്തു​വ​ന്നാ​ൽ ഒ​രു​കൈ നോ​ക്കാ​ൻ ത​യാ​റാ​ണോ എ​ന്ന ചോ​ദ്യ​ത്തി​ന് ചി​രി മാ​ത്ര​മാ​യി​രു​ന്നു ഹെ​ൻ​സി​യു​ടെ മ​റു​പ​ടി. ഗ​ർ​ഷോം സി​നി​മ​യു​ടെ 25ാം വാ​ർ​ഷി​ക​വും സി​നി​മ​യി​ൽ പ്ര​വ​ർ​ത്തി​ച്ച​വ​ർ​ക്കു​ള്ള പു​ര​സ്കാ​ര വി​ത​ര​ണ​വും ച​ട​ങ്ങി​ന്റെ ഭാ​ഗ​മാ​യി ന​ട​ന്നു. ന​ടി സീ​ന​ത്ത്, ന​ട​ൻ സാ​ദി​ഖ്, ഗാ​ന ര​ച​യി​താ​വ് റ​ഫീ​ഖ് അ​ഹ്മ​ദ് എ​ന്നി​വ​രും ച​ട​ങ്ങി​ൽ പ​​ങ്കെ​ടു​ത്തു.