കൊച്ചി: ഭരത്, ശംഭു മേനോന് എന്നീ പുതുമുഖ താരങ്ങള് കേന്ദ്ര കഥാപാത്രങ്ങളാക്കി നവാഗതനായ വാസുദേവ് സനല് സംവിധാനം ചെയ്യുന്ന ഹയാ എന്ന സിനിമയിലെ ഹിന്ദി ഗാനം പുറത്തിറങ്ങി.
ഹോ ഏക് ദോ പല് കി എന്നാരംഭിക്കുന്ന ഹിന്ദി ഗാനത്തിന്റെ ലിറിക്കല് വീഡിയോയാണ് പുറത്തുവിട്ടിരിക്കുന്നത്. ലക്ഷ്മി മേനോന് വരികള് ഒരുക്കിയിരിക്കുന്ന ഗാനത്തിന്റെ സംഗീത സംവിധാനം നിര്വഹിച്ചിരിക്കുന്നത് വരുണ് സുനിലാണ്. വരുണ് സുനിലും ഗ്വേന് ഫെര്ണാണ്ടസുമാണ് ഗാനം ആലപിച്ചിരിക്കുന്നത്. ചിത്രം നവംബര് 25 ന് തിയറ്ററുകളിൽ എത്തും
24 പുതുമുഖങ്ങളെ അണിനിരത്തി ഒരുക്കുന്ന ചിത്രമാണ് ഹയ. ചിത്രത്തിന്റെ ടീസര് മുമ്പ് പുറത്തുവിട്ടിരുന്നു. 'ഗോഡ്സ് ഓണ് കണ്ട്രി' എന്ന ചിത്രത്തിന് ശേഷം വാസുദേവ് സനല് സംവിധാനം ചെയ്യുന്ന ചിത്രമാണ് ഹയ. മാധ്യമപ്രവര്ത്തകനും എഴുത്തുകാരനുമായ മനോജ് ഭാരതിയാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്.
ഗുരു സോമസുന്ദരം പ്രധാന വേഷത്തിലെത്തുന്ന ചിത്രത്തില് ശംഭു മേനോന്, സോഷ്യല് മീഡിയയില് ശ്രദ്ധേയരായ ചൈതന്യ പ്രകാശ്, ഭരത്, അക്ഷയ ഉദയകുമാര് എന്നിവര്ക്കൊപ്പം ഇരുപത്തിനാലോളം പുതുമുഖങ്ങളും അണിനിരക്കുന്നു.ഇന്ദ്രന്സ്, ജോണി ആന്റണി, ലാല് ജോസ് , ശ്രീധന്യ, ശ്രീകാന്ത് മുരളി, ലയ സിംസണ്, കോട്ടയം രമേഷ്, ബിജു പപ്പന്, ശ്രീരാജ്, സണ്ണി സരിഗ , വിജയന് കാരന്തൂര് തുടങ്ങിയവരാണ് മറ്റുതാരങ്ങൾ.
മസാല കോഫി ബാന്ഡിലെ വരുണ് സുനിലാണ് സംഗീതം. സന്തോഷ് വര്മ്മ, മനു മഞ്ജിത്, പ്രൊഫ.പി.എന്. ഉണ്ണികൃഷ്ണന് പോറ്റി, ലക്ഷ്മി മേനോന് , സതീഷ് ഇടമണ്ണേല് എന്നിവരാണ് ഗാനങ്ങള് എഴുതിയിരിക്കുന്നത്. കെ.എസ്.ചിത്ര, ജുവന് ഫെര്ണാണ്ടസ്, രശ്മി സതീഷ് , അസ്ലം അബ്ദുല് മജീദ്, വരുണ് സുനില് ,ബിനു സരിഗ , വിഷ്ണു സുനില് എന്നിവരാണ് ഗായകര്.
ജിജു സണ്ണി ക്യാമറയും അരുണ് തോമസ് എഡിറ്റിഗും നിര്വഹിച്ചിരിക്കുന്നു. പി ആര് ഒ- വാഴൂര് ജോസ് , ആതിര ദില്ജിത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.