എനിക്ക് സഹിക്കാനാകാത്ത വേദന തോന്നുന്നു- മാതാവിന്‍റെ മരണത്തിൽ മനംനൊന്ത് അക്ഷയ്കുമാർ

മുംബൈ: നടൻ അക്ഷയ്കുമാറിന്‍റെ മാതാവ് അരുണ ഭാട്ടിയ അന്തരിച്ചു. നടൻ തന്നെയാണ് ഈ വിവരം ട്വിറ്ററിലൂടെ അറിയിച്ചത്. നാളുകളായി രോഗശയ്യയിലായിരുന്നു. 

അവർ എന്‍റെ എല്ലാം ആയിരുന്നു. ഇന്നെനിക്ക് സഹിക്കാനാകാത്ത വേദന തോന്നുന്നു. എന്‍റെ മാതാവ് അരുണ ഭാട്ടിയ, മറ്റൊരു ലോകത്ത് എന്‍റെ പിതാവുമായി ഒന്നിക്കാനായി ഇന്ന് രാവിലെ ശാന്തതയോടെ ഈ ലോകം വിട്ടുപോയി. നിങ്ങളുടെ പ്രാർഥനകൾക്ക് ഞാൻ നന്ദി പറയുന്നു. ഓം ശാന്തി- അകഷയ്കുമാർ ട്വിറ്ററിൽ കുറിച്ചു.

ചൊവ്വാഴ്ച താൻ ബുദ്ധിമുട്ടേറിയ കാലത്തിലൂടെ കടന്നുപോകുകയാണെന്നും അമ്മക്കുവേണ്ടി പ്രാർഥിക്കണമെന്നും നടൻ ട്വീററ് ചെയ്തിരുന്നു.