Posted On
date_range Updated On
date_range ശിൽപ ഷെട്ടിയുടെ വീട്ടിലെ മോഷണം; രണ്ടുപേർ പിടിയിൽ
മുംബൈ: ബോളിവുഡ് നടി ശിൽപ ഷെട്ടിയുടെ വീട്ടിലെ മോഷണവുമായി ബന്ധപ്പെട്ട് രണ്ടുപേരെ പൊലീസ് പിടികൂടി. മുംബൈയിലെ ജുഹുവിലെ വീട്ടിൽ കഴിഞ്ഞയാഴ്ച നടന്ന മോഷണത്തിൽ വിലപിടിപ്പുള്ള വസ്തുക്കൾ നഷ്ടപ്പെട്ടിരുന്നു. തുടർന്ന് ജുഹു പൊലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിൽ നടന്ന അന്വേഷണത്തിലാണ് രണ്ടുപേർ പിടിയിലായത്. വിശദ അന്വേഷണം നടന്നുവരികയാണെന്ന് പൊലീസ് അറിയിച്ചു.
ജൂൺ എട്ടിന് 48ാം ജന്മദിനം ആഘോഷിച്ച ശിൽപ ഷെട്ടി നിലവിൽ കുടുംബസമേതം ഇറ്റലിയിൽ അവധി ആഘോഷത്തിലാണ്. ബോളിവുഡിലെ മുൻനിര നടിമാരിൽ ഒരാളായിരുന്ന ശിൽപ ഷെട്ടി ടെലിവിഷൻ ഷോകളിലൂടെയും നിറഞ്ഞുനിന്നിരുന്നു. 14 വർഷത്തെ ഇടവേളക്ക് ശേഷം 2021ൽ ‘ഹംഗാമ 2’ എന്ന ചിത്രത്തിലൂടെ ബോളിവുഡിൽ തിരിച്ചെത്തിയെങ്കിലും ചിത്രം പരാജയപ്പെട്ടിരുന്നു. രോഹിത് ഷെട്ടിയുടെ ഇന്ത്യൻ പൊലീസ് ഫോഴ്സ് ആണ് അടുത്ത ചിത്രം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.