വിരാട് കോഹ്‌ലി പ്രചോദനമാണെന്ന് നടി കത്രീന കൈഫ്. ആരാധകരുടെ ചോദ്യത്തിനായിരുന്നു കോഹ്‌ലിയെ കുറിച്ച് നടി വാചാലയായത്. 'സൂപ്പർ സ്റ്റാർ ആണ്, പ്രചോദനമാണ്. കൂടാതെ നല്ലൊരു അയൽക്കാരനാണ്'- കോഹ്‌ലിയെക്കുറിച്ച് എന്തെങ്കിലും പറയാമോ എന്ന ആരാധകന്റെ ചോദ്യത്തിന് മറുപടിയായി കത്രീന കുറിച്ചു.
ഇന്ത്യ-ആസ്ട്രേലിയ ലോകകപ്പ് ഫൈനലിന്‍റെ ആവേശം പങ്കുവെച്ച് നടി രംഗത്തെത്തിയിരുന്നു. ഒരു ടെലിവിഷൻ ചാനലിന് നൽകിയ അഭിമുഖത്തിലാണ് ഇക്കാര്യം പറഞ്ഞത്. കൂടാതെ ഫൈനലിന് ഇന്ത്യൻ ടീമിന് ആശംസ നേർന്നിട്ടുമുണ്ട്.
'ഞാൻ ഇന്ത്യൻ ടീമിനെ പിന്തുണക്കുന്നു. അവർ ഈ ലോകകപ്പിൽ മികച്ച പ്രകടനമാണ് കാഴ്‌ചവെച്ചത് . ഇന്ത്യ ടീം ഗംഭീരമായി കളിക്കുന്നുണ്ട്. അതിനെ വിശേഷിപ്പിക്കാൻ എനിക്ക് വാക്കുകളില്ല. വിരാടും അനുഷ്‌കയും തന്റെ അയൽവാസികളാണ്. അതിനാൽ കൂടുതൽ സന്തോഷമുണ്ട്' -കത്രീന പറഞ്ഞു
ബോളിവുഡിലെ അടുത്ത സുഹൃത്തുക്കളാണ് അനുഷ്ക ശർമയും കത്രീന കൈഫും. ഇരുവരും അടുത്തടുത്താണ് താമസം. നടൻ വിക്കിയുമായുള്ള വിവാഹ ശേഷമാണ് അനുഷ്കയുടെ വീടിന് അടുത്തേക്ക് കത്രീന താമസം മാറ്റിയത്.
അനുഷ്ക ശർമ അഭിനയത്തിൽ നിന്ന് ഇടവേള എടുത്ത് മാറി നിൽക്കുകയാണെങ്കിലും കത്രീന സിനിമയിൽ സജീവമാണ്. സൽമാൻ ഖാൻ ചിത്രം ടൈഗർ 3 ആണ് നടിയുടേതായി ഏറ്റവും ഒടുവിൽ പുറത്തിറങ്ങിയ ചിത്രം. ദീപാവലി റിലീസായി തിയറ്ററുകളിലെത്തിയ ചിത്രത്തിന് മികച്ച പ്രതികരണമാണ് ലഭിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.