വിവാഹമോചനം ആവശ്യപ്പെട്ട്​ യുവാവിന്​ ക്രൂര മർദനം; ഭാ​ര്യ​യു​ടെ ബ​ന്ധു​ക്ക​ൾ അറസ്റ്റിൽ

കോട്ടക്കൽ: വിവാഹമോചനം ആവശ്യപ്പെട്ട്​ യുവാവിനെ ക്രൂരമായി മർദിച്ച സംഭവത്തിൽ മലപ്പുറം കോട്ടക്കലിൽ ഭാര്യയുടെ ബന്ധുക്കൾ അറസ്റ്റിൽ.വിവാഹബന്ധം ഒഴിവാക്കണമെന്നാവശ്യപ്പെട്ടായിരുന്നു നവവരൻ ക്രൂര മർദനത്തിനിരയായത്.കോ​ട്ട​ക്ക​ൽ ച​ങ്കു​വെ​ട്ടി എ​ട​ക്ക​ണ്ട​ൻ അ​ബ്​​ദു​ൽ അ​സീ​ബി​നാ​ണ് (30) മ​ർ​ദ​ന​മേ​റ്റ​ത്. 

പൊലീസ് ഇൻസ്പെക്ടർ എം.കെ ഷാജിയുടെ നേതൃത്വത്തിൽ നടത്തിയ അന്വേഷണത്തിലാണ് പ്രതികൾ അറസ്റ്റിലായത്. ഒതുക്കുങ്ങൽ കിഴക്കേ പറമ്പൻ ഷംസുദ്ദീൻ(45), ബന്ധുക്കളായ ചോലപ്പുറത്ത് മജീദ് (28),ഷഫീഖ് (34), അബ്ദുൾ ജലീൽ (34),ഷഫീറലി (31),മുസ്തഫ (62) എന്നിവരെയാണ് അറസ്റ്റ് ചെയ്തത്.

എസ്.ഐ വിവേക്, എ.എസ്.ഐ സുരേന്ദ്രൻ, സി.പി.ഒ മാരായ സൂരജ്, സത്യൻ എന്നിവരാണ് അന്വേഷണ സംഘത്തിലുണ്ടായിരുന്നത്. മു​ഖ​ത്തും വാ​രി​യെ​ല്ലി​നും പ​രി​ക്കേ​റ്റ അസീബ്​​ കോ​ട്ട​ക്ക​ലി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. നാ​ലു​മാ​സം മു​മ്പാ​യിരുന്നു വി​വാ​ഹം.