അബു ഷഹൽ
കോഴിക്കോട്: മാരക മയക്കുമരുന്നായ എം.ഡി.എം.എയുമായി യുവാവ് അറസ്റ്റിൽ. കല്ലായി എണ്ണപ്പാടം സ്വദേശിയായ അബു ഷഹലിനെയാണ് ടൗണ് പൊലീസ് അറസ്റ്റ് ചെയ്തത്. ഇയാളില്നിന്ന് 6.7 ഗ്രാം എം.ഡി.എം.എയും ഒരു പൊതി കഞ്ചാവും കണ്ടെടുത്തു. 15 പാക്കറ്റുകളിലാക്കി വിൽപനക്കു കൊണ്ടുവന്ന എം.ഡി.എം.എക്ക് ഏകദേശം 30,000 രൂപ വിലവരും.
ഗുജറാത്തി സ്ട്രീറ്റിൽനിന്ന് പിടിയിലായ ഇയാൾക്കെതിരെ മയക്കുമരുന്ന് ഉപയോഗത്തിന് നേരത്തേ പൊലീസ് കേസെടുത്തിരുന്നു.
ടൗൺ സബ് ഇൻസ്പെക്ടർമായ എ.പി. അനൂപ്, പ്രസാദ്, പ്രൊബേഷന് എസ്.ഐ മുഹമ്മദ് സിയാദ്, എ.എസ്.ഐ ഷബീര്, സീനിയർ സിവിൽ പൊലീസ് ഓഫിസർമാരായ ഹസീസ്, ബിനില് കുമാര്, സിവിൽ പൊലീസ് ഓഫിസർ മാരായ സജീഷ്, അനൂജ്, ജിതേന്ദ്രന് എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.