വിഷ്ണു, ആതിര
കൊച്ചി: ഇടപ്പള്ളി അമൃത ആശുപത്രിക്കു സമീപത്തുനിന്ന് എം.ഡി.എം.എയുമായി യുവാവും യുവതിയും പിടിയിലായി. പച്ചാളം ഷൺമുഖപുരം പുല്ലുംവേലി വീട്ടിൽ വിഷ്ണു (25), ഞാറക്കൽ എടവനക്കാട് മുണ്ടേങ്ങാട്ട് വീട്ടിൽ ആതിര (22) എന്നിവരാണ് പിടിയിലായത്. കൊച്ചി സിറ്റി ഡെപ്യൂട്ടി പൊലീസ് കമീഷണർ എസ്. ശശിധരന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എറണാകുളം സെൻട്രൽ എ.സി.പി സി. ജയകുമാറിന്റെ നിർദേശമനുസരിച്ച് ചൊവ്വാഴ്ച വൈകീട്ടോടെ ഇടപ്പള്ളി അമൃത ആശുപത്രിക്ക് സമീപം അമൃത നഗറിലുള്ള ഓറഞ്ച് ബേ ലോഡ്ജിലെ റൂമിൽ നടത്തിയ പരിശോധനയിലാണ് പ്രതികൾ പിടിയിലായത്.
ഇവരിൽനിന്ന് 1.75 ഗ്രാം എം.ഡി.എം.എ കണ്ടെടുത്തു. ചേരാനല്ലൂർ പൊലീസ് ഇൻസ്പെക്ടർ ബ്രിജുകുമാറിന്റെ നേതൃത്വത്തിൽ എസ്.ഐ കെ.എക്സ്. തോമസ്, എസ്.ഐ വിജയകുമാർ, സീനിയർ സിവിൽ പൊലീസ് ഓഫിസർമാരായ നസീർ, ദിനൂപ്, സിവിൽ പൊലീസ് ഓഫിസർമാരായ നിഖിൽ, പ്രിയ എന്നിവർ ചേർന്നാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.