കോട്ടയം: യാത്രക്കിടെ കെ.എസ്.ആർ.ടി.സി ബസിൽ യുവതിയെ ശല്യംചെയ്തയാൾ അറസ്റ്റിൽ. ചെങ്ങന്നൂർ ബുധനൂർ എണ്ണക്കാട് മുഴങ്ങിൽ പ്രസന്നകുമാറിനെയാണ് (47) കടുത്തുരുത്തി പൊലീസ് അറസ്റ്റ് ചെയ്തത്. വൈറ്റിലയിൽനിന്ന് കോട്ടയത്തേക്ക് ബസിൽ യാത്രചെയ്ത യുവതിയെയാണ് പിൻസീറ്റിലിരുന്ന് യാത്രചെയ്ത പ്രസന്നകുമാർ കയറിപ്പിടിച്ചത്.
യുവതി ബഹളംവെച്ചതിനെ തുടർന്ന് ബസ് ജീവനക്കാർ കടുത്തുരുത്തി സ്റ്റേഷനിൽ വിവരം അറിയിക്കുകയും പൊലീസെത്തി പ്രതിയെ കസ്റ്റഡിയിൽ എടുക്കുകയുമായിരുന്നു. കടുത്തുരുത്തി സബ് ഇൻസ്പെക്ടർ എ.ഡി. വിനോദ്, എ.എസ്.ഐമാരായ സി.ടി. റെജിമോൻ, പി.എസ്. ബാബു, പി.എസ്. സന്ധ്യ എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.