എം.ഡി.എം.എയുമായി പിടിയിലായവർ
കായംകുളം: കനകക്കുന്നില് മയക്കുമരുന്നുമായി രണ്ട് യുവാക്കള് പിടിയിൽ. മുതുകുളം പട്ടോളി മാര്ക്കറ്റ് നന്ദനം ജിഷ്ണു (20), പുത്തന്പുരക്കല് അലന് (21) എന്നിവരെയാണ് ജില്ല ലഹരിവിരുദ്ധ സ്ക്വാഡും കനകക്കുന്ന് പൊലീസും ചേര്ന്ന് പിടികൂടിയത്. 10 ഗ്രാം എം.ഡി.എം.എ പിടികൂടി. ഞായറാഴ്ച പകല് മൂന്നോടെ ഇവരുടെ വീടുകളില് നടത്തിയ പരിശോധനയിലാണ് മയക്ക് മരുന്ന് കണ്ടെത്തിയത്. ജിഷ്ണുവിന്റെ വീട്ടിൽനിന്നും 3 ഗ്രാമും അലന്റെ വീട്ടില്നിന്ന് 7 ഗ്രാമും എം.ഡി.എം.എയാണ് കണ്ടെത്തിയത്.
വിദ്യാർഥികളെ ലക്ഷ്യം വെച്ച് അന്തർസംസ്ഥാനങ്ങളിൽനിന്ന് മയക്കുമരുന്ന് എത്തുന്നതായി ജില്ല പൊലീസ് മേധാവി ജി. ജയദേവിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ അന്തർസംസ്ഥാനത്ത് നിന്നും എത്തുന്ന യുവാക്കളെ നിരീക്ഷിച്ചുവരുന്നതിനിടെയാണ് ഇവരുടെ വീടുകളിൽ പരിശോധന നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.