മധ്യവയസ്കനെ ഭീഷണിപ്പെടുത്തി സ്വർണവും പണവും കവർന്ന പ്രതികൾ പിടിയിൽ

വ​രാ​പ്പു​ഴ: ബാ​റി​ൽ മ​ദ്യ​പി​ക്കാ​നെ​ത്തി​യ മ​ധ്യ​വ​യ​സ്ക​നെ ഭീ​ഷ​ണി​പ്പെ​ടു​ത്തി വി​ല​പി​ടി​പ്പു​ള്ള സാ​ധ​ന​ങ്ങ​ൾ ക​വ​ർ​ച്ച ചെ​യ്ത കേ​സി​ലെ പ്ര​തി​ക​ൾ പി​ടി​യി​ലാ​യി.വ​രാ​പ്പു​ഴ തേ​വ​ർ​കാ​ട് കു​ഞ്ചാ​ത്തു​പ​റ​മ്പി​ൽ അ​ജി​ത് (30), ഒ​ള​നാ​ട് പാ​ല​ക്ക​പ​റ​മ്പി​ൽ അ​നീ​ഷ് ഗോ​പി (26), തി​രു​മു​പ്പം പു​ളി​ക്ക​ത്ത​റ ആ​ഷി​ക്ക് (26) എ​ന്നി​വ​രെ​യാ​ണ് വ​രാ​പ്പു​ഴ പൊ​ലീ​സ് ഇ​ൻ​സ്പെ​ക്ട​ർ പ്ര​ശാ​ന്ത് ക്ലി​ന്‍റി​ന്‍റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്. ഇ​വ​ർ​ക്കൊ​പ്പ​മു​ണ്ടാ​യി​രു​ന്ന ഒ​രാ​ൾ ഒ​ളി​വി​ലാ​ണ്. ഇ​വ​ർ നാ​ലു​പേ​രും ചേ​ർ​ന്ന് മ​ദ്യ​പി​ക്കു​ന്ന​തി​നി​ടെ​യാ​ണ് ബാ​റി​ലു​ണ്ടാ​യി​രു​ന്ന മ​ധ്യ​വ​യ​സ്ക​നെ ഭീ​ഷ​ണി​പ്പെ​ടു​ത്തി​യ​ത്.

ഇ​യാ​ളു​ടെ കൈ​വ​ശം ഉ​ണ്ടാ​യി​രു​ന്ന പ​ണം അ​ട​ങ്ങി​യ പ​ഴ്സ്, മൊ​ബൈ​ൽ ഫോ​ൺ, വാ​ച്ച്, സ്വ​ർ​ണ മോ​തി​രം എ​ന്നി​വ​ർ ബ​ല​മാ​യി പി​ടി​ച്ചു​വാ​ങ്ങി. പു​റ​ത്തി​റ​ങ്ങി​യാ​ൽ കൂ​ട്ടം​കൂ​ടി ആ​ക്ര​മി​ക്കു​മെ​ന്ന് ഭീ​ഷ​ണി​പ്പെ​ടു​ത്തി​യ ശേ​ഷം എ.​ടി.​എം കാ​ർ​ഡ് കൈ​ക്ക​ലാ​ക്കി. തു​ട​ർ​ന്ന് എ.​ടി.​എം കൗ​ണ്ട​റി​ൽ​നി​ന്ന് പ​ണം പി​ൻ​വ​ലി​ക്കാ​നും ശ്ര​മം ന​ട​ത്തി. സാ​ക്ഷി​ക​ൾ ഇ​ല്ലാ​തി​രു​ന്ന സം​ഭ​വ​ത്തി​ൽ സി.​സി ടി.​വി കാ​മ​റ ദൃ​ശ്യ​ങ്ങ​ളും എ.​ടി.​എം കൗ​ണ്ട​റി​ൽ​നി​ന്ന് ല​ഭി​ച്ച തെ​ളി​വു​ക​ളു​മാ​ണ് പ്ര​തി​ക​ളെ പി​ടി​കൂ​ടാ​ൻ സ​ഹാ​യി​ച്ച​ത്. നി​ര​വ​ധി ക്രി​മി​ന​ൽ​ക്കേ​സി​ലെ പ്ര​തി​ക​ളാ​ണി​വ​ർ. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.