ഓച്ചിറ: മതസ്പർധ വളർത്തുന്ന രീതിയിൽ പ്രവാചകനെ അവഹേളിച്ച് ഫേസ് ബുക്കിൽ കുറിപ്പിട്ട കേസിൽ ആർ.എസ്.എസ് പ്രവർത്തകൻ അറസ്റ്റിൽ. ക്ലാപ്പന വരവിള സനത് ഭവനത്തിൽ സനതിനെയാണ് (29) ഓച്ചിറ പൊലീസ് അറസ്റ്റ് ചെയ്തത്. യുവാവ് സ്ഥിരമായി പ്രകോപനപരമായ കുറിപ്പുകൾ സോഷ്യൽമീഡിയയിൽ ഇടാറുണ്ടെന്നും ഇയാളെ നിരീക്ഷിച്ചുവരുകയായിരുന്നെന്നും പൊലീസ് വ്യക്തമാക്കി. 153 എ പ്രകാരമാണ് കേസെടുത്തത്.
വിദേശത്ത് പോകാൻ പി.സി.സിക്കുവേണ്ടി കഴിഞ്ഞ ദിവസം ഇയാൾ അപേക്ഷ നൽകിയിരുന്നു. അതിനിടയിലാണ് മതസ്പർധ വളർത്തുന്ന കുറിപ്പിട്ടതിന് അറസ്റ്റിലായത്. കരുനാഗപ്പള്ളി എ.സി.പി പ്രദീപ് കുമാർ, ഓച്ചിറ സി.ഐ വിനോദ്, എസ്.ഐമാരായ നിയാസ്, വേണുഗോപാൽ, എസ്.പി.ഒമാരായ വിനോദ്, കനീഷ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കരുനാഗപ്പള്ളി ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.