അ​പ​ക​ട​ത്തി​ൽ മ​രി​ച്ച​യാ​ളു​ടെ മോ​തി​ര​വും പ​ഴ്സും ന​ഷ്ട​പ്പെട്ടു; അ​ന്വേ​ഷി​ക്ക​ണ​മെ​ന്ന് മ​ക​ൻ

ഷൊ​ർ​ണൂ​ർ: അ​പ​ക​ട​ത്തി​ൽ മ​രി​ച്ച​യാ​ളു​ടെ മോ​തി​ര​വും പ​ഴ്സും ന​ഷ്ട​മാ​യ സം​ഭ​വ​ത്തി​ൽ മ​ക​ൻ പ​രാ​തി ന​ൽ​കി ര​ണ്ട് മാ​സ​മാ​യി​ട്ടും പൊ​ലീ​സ് കേ​സെ​ടു​ക്കു​ന്നി​ല്ലെ​ന്ന് ആ​ക്ഷേ​പം. അ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ് ചി​കി​ത്സ​യി​ലി​രി​ക്കെ ക​ഴി​ഞ്ഞ സെ​പ്റ്റം​ബ​ർ 12ന് ​മ​രി​ച്ച ക​ണ​യം കി​ഴ​ക്കേ​തി​ൽ രാ​ജ​ന്റെ മ​ക​ൻ രാ​ജേ​ഷാ​ണ് പ​രാ​തി​ക്കാ​ര​ൻ. ഒ​റ്റ​പ്പാ​ലം പൊ​ലീസി​ലാ​ണ് പ​രാ​തി ന​ൽ​കി​യ​തെ​ന്നും രാ​ജേ​ഷ് പ​റ​യു​ന്നു.

വാ​ണി​യം​കു​ള​ത്തെ സ്വ​കാ​ര്യ മെ​ഡി​ക്ക​ൽ കോ​ള​ജി​ലാ​ണ് രാജൻ മരിച്ചത്. മൃ​ത​ദേ​ഹം വീ​ട്ടി​ലെ​ത്തി​ച്ച​പ്പോ​ഴാ​ണ് ധ​രി​ച്ചി​രു​ന്ന ഒ​രു പ​വ​നി​ല​ധി​ക​മു​ള്ള മോ​തി​ര​വും വാ​ച്ചും പ​ഴ്സും കാ​ണാ​നി​ല്ലെ​ന്ന വി​വ​രം മ​ക്ക​ളും മ​റ്റും ശ്ര​ദ്ധി​ക്കു​ന്ന​ത്. സം​സ്കാ​ര ച​ട​ങ്ങു​ക​ൾ​ക്ക് ശേ​ഷം ആ​ശു​പ​ത്രി​യി​ലെ​ത്തി അ​ന്വേ​ഷി​ച്ച​പ്പോ​ൾ അ​ച്ഛ​ന്റെ ഒ​പ്പ​മു​ണ്ടാ​യി​രു​ന്ന​യാ​ളി​ന് ന​ൽ​കി​യ​താ​യാ​ണ് അ​റി​യി​ച്ച​തെ​ന്ന് രാ​ജേ​ഷ് പ​റ​യു​ന്നു.

ആ​ശു​പ​ത്രി​യി​ലെ സി.​സി.​ടി.​വി ദൃ​ശ്യ​ങ്ങ​ളി​ൽ അ​ച്ഛ​ന്റെ കൈ​യി​ൽ മോ​തി​രം ദൃ​ശ്യ​മാ​ണ്. മ​ര​ണം സ്ഥി​രീ​ക​രി​ച്ച് മോ​ർ​ച്ച​റി​യി​ലേ​ക്ക് മാ​റ്റു​മ്പോ​ൾ മോ​തി​രം ശ​രീ​ര​ത്തി​ലി​ല്ലാ​യി​രു​ന്നു. പ​ല ത​വ​ണ ആ​ശു​പ​ത്രി​യി​ൽ ചെ​ന്നെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല.

അ​റു​പ​താം പി​റ​ന്നാ​ൾ സ​മ്മാ​ന​മാ​യി മ​ക്ക​ൾ ചേ​ർ​ന്ന് ന​ൽ​കി​യ​താ​ണ് മോ​തി​ര​മെ​ന്ന് രാ​ജേ​ഷ് പ​റ​ഞ്ഞു. വി​കാ​ര​പ​ര​മാ​യ ബ​ന്ധം കൂ​ടി ക​ണ​ക്കി​ലെ​ടു​ത്ത് മോ​തി​രം തി​രി​ച്ച് ല​ഭി​ക്കാ​ൻ വേ​ണ​മെ​ങ്കി​ൽ പ​ണം ന​ൽ​കാ​മെ​ന്ന് വ്യ​ക്ത​മാ​ക്കി​യി​ട്ടും കാ​ര്യ​മു​ണ്ടാ​യി​ല്ല.

അ​ച്ഛ​ന്റെ ഓ​ർ​മ്മ​യ്ക്കാ​യി മോ​തി​ര​മെ​ങ്കി​ലും കി​ട്ടു​മോ​യെ​ന്ന​റി​യാ​ൻ സെ​പ്റ്റം​ബ​ർ 23നാ​ണ് പ​രാ​തി ന​ൽ​കി​യ​ത്.

മോ​ഷ്ടി​ച്ച​യാ​ളു​ടെ പേ​രു​ൾ​പ്പെ​ടു​ത്തി പ​രാ​തി ന​ൽ​കി​യാ​ൽ മാ​ത്ര​മേ കേ​സെ​ടു​ക്കാ​നാ​കൂ​വെ​ന്നാ​ണ് എ​സ്.​എ​ച്ച്.​ഒ. പ​റ​ഞ്ഞതെന്നാണ് രാ​ജേ​ഷ് പ​റ​യു​ന്നു.