നാഗ്പൂർ: മഹാരാഷ്ട്രയിൽ വാടകവീട്ടിൽ ഒരുമിച്ച് താമസിച്ചിരുന്ന 35കാരനെ കൊലപ്പെടുത്തിയ കേസിൽ 26കാരൻ അറസ്റ്റിൽ. രാജു നടേശ്വറിനെ കൊലപ്പെടുത്തിയ കേസിൽ ദേവാൻഷ് വാങ്കൊഡെയാണ് അറസ്റ്റിലായത്. മഹാരാഷ്ട്രയിലെ നാഗ്പൂരിൽ ധാബാ പ്രദേശത്താണ് സംഭവം.
നഡേശ്വറും വാങ്കൊഡെയും കാർ മെക്കാനിക്കുമാരാണ്. ഇരുവരും ഒരിടത്താണ് ജോലിചെയ്യുന്നതും. ശനിയാഴ്ച രാത്രി ഇരുവരും തമ്മിൽ തർക്കമുണ്ടാകുകയായിരുന്നു. ഇതിനിടെ മൂർച്ചയുള്ള ആയുധം ഉപയോഗിച്ച് നഡേശ്വറിന്റെ തലക്ക് വെട്ടുകയായിരുന്നു. സംഭവ സ്ഥലത്തുവെച്ചുതന്നെ നഡേശ്വർ മരിച്ചു.
പിന്നീട് നേഡശ്വറിന്റെ മൃതദേഹം സമീപത്തെ ഒറ്റപ്പെട്ട സ്ഥലത്ത് ഉപേക്ഷിക്കുകയും മുറി വൃത്തിയാക്കിയ ശേഷം കിടന്നുറങ്ങുകയുമായിരുന്നു. സമീപത്തെ ചിലർ മൃതേദഹം കണ്ടെത്തി പൊലീസിനെ വിളിച്ചറിയിക്കുകയായിരുന്നു. തുടർന്ന് നടത്തിയ അന്വേഷണത്തിൽ വാങ്കൊഡെയെ പൊലീസ് അറസ്റ്റ് ചെയ്യുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.