കരുനാഗപ്പള്ളി: ക്ഷീരോൽപാദക സംഘം സെക്രട്ടറിയെ ആക്രമിച്ച ലാബ് അസിസ്റ്റന്റ് പിടിയിലായി. പാവുമ്പ പോളാല് വടക്കതില് നിതിൻ (34) ആണ് കരുനാഗപ്പള്ളി പൊലീസിന്റെ പിടിയിലായത്.
മണപ്പള്ളി ക്ഷീരോൽപാദക സംഘത്തിലെ ലാബ് അസിസ്റ്റന്റായ യുവാവ് എടുക്കുന്ന പാലിന്റെ അളവില് കുറവുണ്ടെന്നും കമ്മിറ്റിയില് റിപ്പോര്ട്ട് ചെയ്യുമെന്നും സംഘം സെക്രട്ടറി ഇയാളെ അറിയിച്ചു. ഇതില് പ്രകോപിതനായ നിതിന്, മുറിയില്നിന്ന് കത്തിയെടുത്ത് കൊണ്ടുവന്ന് സെക്രട്ടറിയെ ആക്രമിക്കുകയായിരുന്നു . കത്തി തട്ടിമാറ്റുന്നതിനിടെ സെക്രട്ടറിയുടെ വിരലിന് മുറിവേറ്റു.
ഇന്സ്പെക്ടര് മോഹിത്തിന്റെ നേതൃത്വത്തില് എസ്.ഐമാരായ ഷിഹാസ്, ഷമീര്, ഷാജിമോന്, എസ്.സി.പി.ഒമാരായ ഹാഷിം, രാജീവ്, ദീപ്തി, സി.പി.ഒ സജീര് എന്നിവരുള്പ്പെട്ട സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.