പരസ്യം നൽകിയവരെ ഫോണിൽ വിളിച്ച് പണം തട്ടുന്ന‍യാൾ പിടിയിൽ

മൂ​വാ​റ്റു​പു​ഴ: മാ​ധ്യ​മ​ങ്ങ​ളി​ൽ സ്ഥ​ലം വി​ൽ​പ​ന​ക്ക് പ​ര​സ്യം ന​ൽ​കു​ന്ന​വ​രെ ഫോ​ണി​ൽ വി​ളി​ച്ച് സൗ​ഹൃ​ദം സ്ഥാ​പി​ച്ച് പ​ണം ത​ട്ടു​ന്ന​യാ​ൾ പൊ​ലീ​സ് പി​ടി​യി​ൽ. കോ​ട്ട​യം വാ​ഴൂ​ർ ഇ​ള​ക്കു​ന്നേ​ൽ വാ​ട​ക​ക്ക് താ​മ​സി​ക്കു​ന്ന കാ​ഞ്ഞി​ര​പ്പ​ള്ളി പ​ട്ടി​മ​റ്റം സ്വ​ദേ​ശി ത​ട്ടാം​പ​റ​മ്പി​ൽ വീ​ട്ടി​ൽ മ​ണി​യെ​യാ​ണ്​ (68) മൂ​വാ​റ്റു​പു​ഴ ഇ​ൻ​സ്പെ​ക്ട​ർ ബേ​സി​ൽ തോ​മ​സി​ന്‍റെ നേ​തൃ​ത്വ​ത്തി​ൽ പി​ടി​കൂ​ടി​യ​ത്.

ആ​ലു​വ സ്വ​ദേ​ശി​യു​ടെ 15 ല​ക്ഷം രൂ​പ​യാ​ണ് ത​ട്ടി​പ്പി​ലൂ​ടെ ന​ഷ്ട​മാ​യ​ത്. സ്ഥ​ലം വി​ൽ​പ​ന​ക്ക് എ​ന്ന് പ​ര​സ്യം ന​ൽ​കി​യ പ​രാ​തി​ക്കാ​ര​നെ ഫോ​ണി​ൽ വി​ളി​ച്ച് ജോ​ഷി എ​ന്ന് പ​രി​ച​യ​പ്പെ​ടു​ത്തി സൗ​ഹൃ​ദം സ്ഥാ​പി​ച്ചു. സി​നി​മാ​മേ​ഖ​ല​യി​ൽ ബ​ന്ധ​മു​ണ്ടെ​ന്നും വി​ശ്വ​സി​പ്പി​ച്ചു. ത​ന്‍റെ പ​ക്ക​ൽ പ​ല​രു​ടെ​യും ക​ള്ള​പ്പ​ണം ഉ​ണ്ടെ​ന്നും വി​ശ്വ​സി​പ്പി​ച്ചി​രു​ന്നു. കു​റ​ഞ്ഞ പ​ലി​ശ​ക്ക് പ​ണം വാ​ഗ്ദാ​നം ന​ൽ​കി സി​നി​മാ ചി​ത്രീ​ക​ര​ണ​ത്തി​ന് ഉ​പ​യോ​ഗി​ക്കു​ന്ന ഡ​മ്മി നോ​ട്ടു​ക​ൾ മൂ​വാ​റ്റു​പു​ഴ​യി​ൽ വെ​ച്ച് കൈ​മാ​റി ത​ട്ടി​പ്പ് ന​ട​ത്തി​യ സം​ഘ​ത്തി​ലെ​യും അം​ഗ​മാ​ണ് മ​ണി. ജോ​ഷി എ​ന്ന വ്യാ​ജ​പേ​രി​ലാ​ണ് പ്ര​തി ഇ​ര​ക​ളെ ബ​ന്ധ​പ്പെ​ട്ടി​രു​ന്ന​ത്. നാ​ഗ​മാ​ണി​ക്യം, ഇ​രു​ത​ല​മൂ​രി, പ​ല്ലെ​നി​യം, ഇ​റി​ഡി​യം എ​ന്നി​ങ്ങ​നെ വി​വി​ധ ത​ട്ടി​പ്പു​ക​ൾ ന​ട​ത്തു​ന്ന സം​ഘ​ത്തി​ലെ പ്ര​ധാ​നി​യാ​ണ്. 10 ല​ക്ഷം രൂ​പ ഇ​യാ​ൾ​ക്ക് അ​ഡ്വാ​ൻ​സാ​യി ന​ൽ​കി​യാ​ൽ ക​ള്ള​പ്പ​ണ​ത്തി​ൽ​നി​ന്ന് 20 ല​ക്ഷം രൂ​പ ന​ൽ​കു​മെ​ന്നും ബി​സി​ന​സ് ന​ട​ത്തി ലാ​ഭം കി​ട്ടി​യ​ശേ​ഷം ബാ​ക്കി 10 ല​ക്ഷം തി​രി​കെ കൊ​ടു​ത്താ​ൽ മ​തി​യെ​ന്നു​മാ​ണ് ഒ​രു വാ​ഗ്ദാ​നം. ഒ​രു ഇ​ട​പാ​ടി​ന് ഒ​രു സിം ​കാ​ർ​ഡ് ആ​ണ് പ്ര​തി ഉ​പ​യോ​ഗി​ച്ചി​രു​ന്ന​ത്. അ​തി​ന് ശേ​ഷം ആ ​സിം കാ​ർ​ഡ് ഉ​പേ​ക്ഷി​ക്കു​ക​യാ​ണ് പ​തി​വ്. പ​ല​രു​ടെ​യും പേ​രി​ലാ​ണ്​ വ്യാ​ജ സിം ​കാ​ർ​ഡ് എ​ടു​ത്തി​രു​ന്ന​ത്.

കേ​ര​ളം, ത​മി​ഴ്നാ​ട്, ക​ർ​ണാ​ട​ക എ​ന്നി​വി​ട​ങ്ങ​ളി​ൽ ഉ​ള്ള ആ​ളു​ക​ളെ ഇ​ത്ത​ര​ത്തി​ൽ ത​ട്ടി​പ്പി​നി​ര​യാ​ക്കി​യ​താ​യി പ്ര​തി സ​മ്മ​തി​ച്ചി​ട്ടു​ണ്ട്. അ​ഞ്ചു​ല​ക്ഷ​ത്തോ​ളം രൂ​പ പ്ര​തി​യു​ടെ താ​മ​സ​സ്ഥ​ല​ത്തു​നി​ന്ന്​ ക​ണ്ടെ​ടു​ത്തു. കൂ​ടാ​തെ, ധാ​രാ​ളം മൊ​ബൈ​ൽ ഫോ​ണു​ക​ളും പി​ടി​ച്ചെ​ടു​ത്തു. ഒ​രു കു​റ്റ​കൃ​ത്യ​ത്തി​ന് ഒ​രു മൊ​ബൈ​ൽ ഫോ​ണും സിം ​കാ​ർ​ഡും ആ​ണ് ഇ​യാ​ൾ ഉ​പ​യോ​ഗി​ച്ചി​രു​ന്ന​ത്. കു​റ്റ​കൃ​ത്യ​ത്തി​നാ​യി വ്യാ​ജ ന​മ്പ​ർ പ്ലേ​റ്റ് ഘ​ടി​പ്പി​ച്ച കാ​ർ ഉ​പ​യോ​ഗി​ച്ച​താ​യി അ​ന്വേ​ഷ​ണ​ത്തി​ൽ വ്യ​ക്ത​മാ​യി. കൂ​ട്ടു​പ്ര​തി​ക​ളെ​പ്പ​റ്റി​യും പൊ​ലീ​സ് അ​ന്വേ​ഷ​ണം വ്യാ​പി​പ്പി​ച്ചി​ട്ടു​ണ്ട്. കൂ​ടു​ത​ൽ പേ​ർ ത​ട്ടി​പ്പി​നി​ര​യാ​യി​ട്ടു​ണ്ടോ എ​ന്നും ജി​ല്ല പൊ​ലീ​സ് മേ​ധാ​വി ഡോ. ​വൈ​ഭ​വ് സ​ക്സേ​ന​യു​ടെ മേ​ൽ​നോ​ട്ട​ത്തി​ലു​ള്ള പ്ര​ത്യേ​ക സം​ഘം അ​ന്വേ​ഷി​ക്കു​ന്നു​ണ്ട്. കോ​ട്ട​യ​ത്ത് ദി​വ​സ​ങ്ങ​ളോ​ളം താ​മ​സി​ച്ചാ​ണ് പ്ര​തി​യെ ക​ണ്ടെ​ത്തി​യ​ത്. മൂ​വാ​റ്റു​പു​ഴ ഡെ​പ്യൂ​ട്ടി പൊ​ലീ​സ് സൂ​പ്ര​ണ്ട് പി.​എം. ബൈ​ജു, ഇ​ൻ​സ്പെ​ക്ട​ർ കെ.​കെ. രാ​ജേ​ഷ്, പി.​കെ. വി​നാ​സ്, പി.​സി. ജ​യ​കു​മാ​ർ എ​ന്നി​വ​രാ​ണ്​ അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്ന​ത്.