ന്യൂഡൽഹി: പഞ്ചാബിലെ ഹോഷിയാർപൂർ ജില്ലയിൽ വയോധിക ദമ്പതികളെ ക്രൂരമായി കൊലപ്പെടുത്തിയ മരുമകളും കാമുകനും അറസ്റ്റിൽ. ജനുവരി ഒന്നിന് കത്തിക്കരിഞ്ഞ നിലയിലായിരുന്നു ഇരുവരുടെയും മൃതദേഹം കണ്ടെത്തിയത്.
മഞ്ജീത് സിങ്, ഭാര്യ ഗുർമീത് സിങ് എന്നിവരാണ് മരിച്ചത്. മരുമകളുടെ വിവാഹേതര ബന്ധം കണ്ടെത്തിയതിനെ തുടർന്ന് മരുമകളും കാമുകനും ചേർന്ന് ദമ്പതികളെ ക്രൂരമായി കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.
ദമ്പതികളുടെ മകനായ രവീന്ദർ സിങ് വീട്ടിലെത്തിയപ്പോഴാണ് മാതാപിതാക്കളെ മരിച്ച നിലയിൽ കണ്ടെത്തിയത്. രാത്രിയിൽ ജോലി കഴിഞ്ഞെത്തിയപ്പോൾ ഗേറ്റ് അകത്തുനിന്ന് പൂട്ടിയ നിലയിലായിരുന്നു. തുടർന്ന് വീടിനുള്ളിൽ കടന്നപ്പോൾ ദമ്പതികളെ കസേരയിൽ കെട്ടിയിട്ടശേഷം കത്തിച്ച നിലയിലും. തുടർന്ന് പൊലീസിനെ വിവരം അറിയിക്കുകയായിരുന്നു.
അേന്വഷണത്തിൽ മരുമകളും കാമുകനും ചേർന്നാണ് കൊല നടത്തിയതെന്ന് കണ്ടെത്തി. തുടർന്ന് കൊലപാതകം, ക്രിമിനൽ ഗൂഡാലോചന എന്നീ കുറ്റങ്ങൾ ചുമത്തി അറസ്റ്റ് ചെയ്തു. ഇവരിൽനിന്ന് മോഷണം പോയ പണവും ജുവല്ലറിയും കണ്ടെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.