ആ​ടു​ക​ളു​ടെ ക​ര​ച്ചി​ൽ അ​ലോ​സ​ര​പ്പെ​ടു​ത്തി​: അ​യ​ൽ​വാ​സി​യാ​യ യു​വ​തി​യെ തീ​കൊ​ളു​ത്തി​

കൊ​ടു​മ​ൺ: അ​യ​ൽ​വാ​സി​യാ​യ യു​വ​തി​യെ തീ​കൊ​ളു​ത്താ​ൻ കാ​ര​ണം​ ആ​ടു​ക​ളു​ടെ ക​ര​ച്ചി​ൽ അ​ലോ​സ​ര​പ്പെ​ടു​ത്തി​യ​തി​ന്‍റെ വി​​രോ​ധ​മെ​ന്ന്​ അ​റ​സ്​​റ്റി​ലാ​യ പ്ര​തി പൊ​ലീ​സി​ന്‍റെ ചോ​ദ്യം ചെ​യ്യ​ലി​ൽ പ​റ​ഞ്ഞു. വീ​ട്ടി​ൽ വ​ള​ർ​ത്തു​ന്ന ആ​ടു​ക​ളു​ടെ ഒ​ച്ച അ​ലോ​സ​ര​പ്പെ​ടു​ത്തി​യ​പ്പോ​ൾ പ്ര​കോ​പി​ത​നാ​യി അ​സ​ഭ്യം വി​ളി​ച്ച​തി​നെ തു​ട​ർ​ന്ന് തി​രി​ച്ചു ചീ​ത്ത വി​ളി​ച്ച യു​വ​തി​യെ​യാ​ണ്​ അ​യ​ൽ​വാ​സി തീ ​കൊ​ളു​ത്തി​യ​ത്. ക​ഴി​ഞ്ഞ​ദി​വ​സം ഉ​ച്ച​ക്ക്​ ന​ട​ന്ന സം​ഭ​വ​ത്തി​ൽ കൊ​ടു​മ​ൺ എ​രു​ത്വ​ക്കു​ന്ന് സ​ദാ​ശി​വ വി​ലാ​സം ഗോ​പാ​ല​കൃ​ഷ്ണ​ന്റെ മ​ക​ൾ ല​ത​ക്കാ​ണ് (40) മു​ഖ​ത്തും കൈ​യ്ക്കും ഗു​രു​ത​ര​മാ​യി പൊ​ള്ള​ലേ​റ്റ​ത്. സം​ഭ​വ​ത്തി​ൽ നി​ര​വ​ധി ക്രി​മി​ന​ൽ കേ​സി​ൽ പ്ര​തി​യാ​യ കൊ​ടു​മ​ൺ കി​ഴ​ക്ക് ര​ണ്ടാം​കു​റ്റി മ​ഠ​ത്തി​ൽ വീ​ട്ടി​ൽ ഷി​ബു​വി​നെ (40) കൊ​ടു​മ​ൺ പൊ​ലീ​സ് പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

ആ​ടു​ക​ളു​ടെ ക​ര​ച്ചി​ൽ കേ​ട്ട​പ്പോ​ൾ പ്ര​കോ​പി​ത​നാ​യ ഇ​യാ​ൾ ചീ​ത്ത വി​ളി​ച്ച​പ്പോ​ൾ ല​ത​യും എ​തി​ർ​ത്തു. തു​ട​ർ​ന്ന് വീ​ട്ടി​ൽ​നി​ന്ന്​ വി​ളി​ച്ചി​റ​ക്കി മു​റ്റ​ത്തു​വെ​ച്ച് ഇ​യാ​ളു​ടെ കൈ​യി​ൽ ക​രു​തി​യ ദ്രാ​വ​കം യു​വ​തി​യു​ടെ ദേ​ഹ​ത്ത് ഒ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു. ഇ​യാ​ൾ​ക്കെ​തി​രെ വ​ധ​ശ്ര​മ​ത്തി​ന്​ കേ​സെ​ടു​ത്തു. ശാ​സ്ത്രീ​യ അ​ന്വേ​ഷ​ണ​സം​ഘ​വും വി​ര​ല​ട​യാ​ള വി​ദ്​​ധ​രും ഫോ​ട്ടോ​ഗ്രാ​ഫി​ക് യൂ​നി​റ്റും സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചി​രു​ന്നു.

കൊ​ടു​മ​ൺ പൊ​ലീ​സ് സ്റ്റേ​ഷ​നി​ൽ 2018 മു​ത​ൽ നി​ര​വ​ധി കു​റ്റ​കൃ​ത്യ​ങ്ങ​ളി​ൽ പ്ര​തി​യാ​ണ്​ ഷി​ബു. മേ​യി​ൽ ഇ​യാ​ളെ കാ​പ്പ നി​യ​മ​പ്ര​കാ​രം ജി​ല്ല​യി​ൽ ക​ട​ക്കു​ന്ന​തി​ൽ വി​ല​ക്കി​യി​രു​ന്നു. വി​ല​ക്ക് ലം​ഘി​ച്ചും കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ട്ടു വ​രു​ക​യാ​യി​രു​ന്നു.