പിടിയിലായ പ്രതികള്
തൃത്താല: അടിപിടി തടയാനെത്തിയ പൊലീസുകാരെ സംഘംചേര്‍ന്ന് ആക്രമിച്ച കേസില്‍ അഞ്ചുപേര്‍ അറസ്റ്റില്‍. പുലാമന്തോള്‍ പാലൂര്‍ സ്വദേശികളായ ഹൈദര്‍ (44), സെയ്തലവി (48), ഫൈസല്‍ (45), മുഹമ്മദലി (47), ഷറഫുദ്ദീന്‍ (41) എന്നിവരെയാണ് തൃത്താല പൊലീസ് അറസ്റ്റുചെയ്തത്. ഞായറാഴ്ച വൈകീട്ട് കരിമ്പനകടവ് ബിവറേജസിന് സമീപം മദ്യപിച്ച് അടിപിടി കൂടുന്ന വിവരമറിഞ്ഞ് തൃത്താല സ്റ്റേഷനിലെ രണ്ട് പൊലീസുകാര്‍ സ്ഥലത്തെത്തി. എന്നാല്‍, പൊലീസാണെന്ന് തിരിച്ചറിഞ്ഞിട്ടും ഇവര്‍ ആക്രമിക്കുകയായിരുന്നു. തുടര്‍ന്ന് പൊലീസ് കേസെടുത്ത് നടത്തിയ അന്വേഷണത്തില്‍ വീടുകളില്‍നിന്നാണ് പ്രതികളെ പിടികൂടിയത്. കോടതിയിൽ ഹാജരാക്കിയ അഞ്ചുപേരെയും റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.