വിശാൽ റത്തോഡ്
കുമ്പള: പതിനേഴുകാരിയുടെ ആത്മഹത്യയുമായി ബന്ധപ്പെട്ട് കർണാടക സ്വദേശിയായ സഹപാഠി അറസ്റ്റിൽ.
കുമ്പള വീരവിട്ടല ക്ഷേത്രത്തിന് സമീപത്ത് താമസിക്കുന്ന ചന്ദ്രഹാസ-വനജാക്ഷി ദമ്പതികളുടെ മകളും മംഗളുരുവിലെ സ്വകാര്യ കോളജിൽ പി.യു.സി രണ്ടാം വര്ഷ വിദ്യാര്ത്ഥിനിയുമായ സ്നേഹ(17) യുടെ മരണവുമായി ബന്ധപ്പെട്ടാണ് ബീജാപ്പൂരിലെ വിശാൽ റാത്തോഡി (19)നെയാണ് അറസ്റ്റ് ചെയ്തത്.
കുമ്പള ഇൻസ്പെക്ടർ പി.പ്രമോദിന്റെ നേതൃത്വത്തിലാണ് അറസ്റ്റുചെയ്തത്. സ്നേഹയുടെ സഹപാഠിയായിരുന്നു വിശാൽ. സെപ്റ്റംബർ 17-നാണ് സ്നേഹയെ വീട്ടിൽ തൂങ്ങി മരിച്ചനിലയിൽ കണ്ടെത്തിയത്. സ്നേഹയുടെ മൊബൈൽഫോണിൽനിന്ന് ലഭിച്ച സൂചനകളുടെ അടിസ്ഥാനത്തിലാണ് അറസ്റ്റ്. കേസിൽ കൂടുതൽ അറസ്റ്റ് ഉണ്ടാകുമെന്ന് ഇൻസ്പെക്ടർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.