തൊടുപുഴ: കാറില്‍ കഞ്ചാവുമായി പോകുന്നതിനിടെ ഒരാള്‍ പൊലീസ് പിടിയിലായി. ഇടവെട്ടി മാര്‍ത്തോമ നെല്ലിക്കല്‍ വീട്ടില്‍ മാര്‍ട്ടിനെയാണ് (40) തൊടുപുഴ പൊലീസ് അറസ്റ്റ് ചെയ്തത്. മാര്‍ട്ടിന്‍ കാറില്‍ കഞ്ചാവ് വില്‍പന നടത്തുന്നതായി രഹസ്യവിവരം ലഭിച്ചിരുന്നു.
ഇതിന്റെ അടിസ്ഥാനത്തില്‍ പൊലീസ് പിന്തുടര്‍ന്നെങ്കിലും കാര്‍ നിര്‍ത്തിയില്ല. തുടര്‍ന്ന് വൈകീട്ട് ഏഴുമണിയോടെ തൊടുപുഴ പൊതുമരാമത്ത് വകുപ്പ് റെസ്റ്റ് ഹൗസിന് മുന്നില്‍വെച്ച് പൊലീസ് ജീപ്പ് വിലങ്ങനെയിട്ട് കാര്‍ തടയുകയായിരുന്നു.
പരിശോധനയില്‍ ഇയാളുടെ പക്കല്‍നിന്ന് 283 ഗ്രാം കഞ്ചാവ് കണ്ടെടുത്തു. നിരവധി കഞ്ചാവ് കേസുകളില്‍ പ്രതിയാണ് മാര്‍ട്ടിനെന്നും കാറില്‍ പൊതികളാക്കി കഞ്ചാവ് വില്‍പന നടത്തുകയായിരുന്നു ഇയാളെന്നും പൊലീസ് പറഞ്ഞു. പ്രതിയെ കോടതിയില്‍ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.