വൈ​റ​ലാ​വാ​ൻ ബൈ​ക്കി​ൽ അ​ഭ്യാ​സം; ലൈ​ക്കി​നാ​യി കാ​ത്തു​നി​ന്ന​വ​ർ​ക്ക്​ പൊ​ലീ​സി​ന്‍റെ 'സ​മ്മാ​ന​പ്പി​ഴ'

മ​ല​പ്പു​റം: ഇ​രു​ച​ക്ര വാ​ഹ​ന​ങ്ങ​ൾ അ​പ​ക​ട​ക​ര​മാ​യ രീ​തി​യി​ൽ ഓ​ടി​ച്ചും റൈ​സി​ങ് പോ​ലു​ള്ള അ​ഭ്യാ​സ​പ്ര​ക​ട​ന​ങ്ങ​ൾ ന​ട​ത്തി​യും സമൂ​ഹ മാ​ധ്യ​മ​ങ്ങ​ളി​ൽ പോ​സ്റ്റി​ട്ട്​ ഹ​രം ക​ണ്ടെ​ത്തു​ന്ന​വ​ർ​ക്കെ​തി​രെ ക​ടു​ത്ത ന​ട​പ​ടി​യു​​മാ​യി ​പൊ​ലീ​സും മോ​ട്ടോ​ർ വാ​ഹ​ന വ​കു​പ്പും. ഇ​ത്ത​ര​ത്തി​ൽ അ​ഭ്യാ​സം ന​ട​ത്തു​ന്ന വാ​ഹ​ന​ങ്ങ​ളു​ടെ ആ​ർ.​സി ഉ​ട​മ​ക​ൾ​ക്കെ​തി​രെ​യും വാ​ഹ​നം ഓ​ടി​ച്ച​വ​ർ​ക്കെ​തി​രെ​യും കേ​സെ​ടു​ക്കു​ക​യും ലൈ​സ​ൻ​സ് സ​സ്പെ​ൻ​ഷ​ൻ ഉ​ൾ​പ്പെ​ടെ​യു​ള്ള ക​ർ​ശ​ന ന​ട​പ​ടി​ക​ളും ഉ​ദ്യോ​ഗ​സ്ഥ​ർ എ​ടു​ത്തി​ട്ടു​ണ്ട്.

ജി​ല്ല പൊ​ലീ​സ് മേ​ധാ​വി​യു​ടെ പ്ര​ത്യേ​ക നി​ർ​ദേ​ശ​പ്ര​കാ​രം പൊ​ലീ​സും മോ​ട്ടോ​ർ വാ​ഹ​ന വ​കു​പ്പ് എ​ൻ​ഫോ​ഴ്സ്മെ​ന്റ് വി​ഭാ​ഗ​വും സം​യു​ക്ത​മാ​യി 'ഓ​പ​റേ​ഷ​ൻ ബൈ​ക്ക് സ്‌​റ്റെ​ണ്ട്' എ​ന്ന പേ​രി​ൽ ജി​ല്ല​യി​ൽ ന​ട​ത്തി​യ പ്ര​ത്യേ​ക പ​രി​ശോ​ധ​ന​യി​ലാ​ണ് വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്ത​ത്. അ​പ​ക​ട​ക​ര​മാ​യ രീ​തി​യി​ൽ റൈ​സി​ങ് ന​ട​ത്തിയതിന് മൂ​ന്ന്​ കേ​സു​ക​ൾ ര​ജി​സ്റ്റ​ർ ചെ​യ്തു. ഇ​രു​ച​ക്ര വാ​ഹ​ന​ങ്ങ​ൾ മോ​ടി കൂ​ട്ടി​യ​തി​ന് 13 കേ​സും ലൈ​സ​ൻ​സ് ഇ​ല്ലാ​തെ വാ​ഹ​നം ഓ​ടി​ച്ച​തി​ന്​ മൂ​ന്ന് കേ​സും ഹെ​ൽ​മ​റ്റ് ധ​രി​ക്കാ​തെ വാ​ഹ​നം ഓ​ടി​ച്ച​തി​ന് 16 കേ​സു​ക​ളും ര​ജി​സ്റ്റ​ർ ചെ​യ്തു.

ഇ​ൻ​ഷു​റ​ൻ​സ് ഇ​ല്ലാ​ത്ത വാ​ഹ​നം ഓ​ടി​ച്ച​തി​നും മൂ​ന്ന് പേ​രെ ക​യ​റ്റി ഇ​രു​ച​ക്ര വാ​ഹ​നം ഓ​ടി​ച്ച​തി​നും ന​ട​പ​ടി എ​ടു​ത്തി​ട്ടു​ണ്ട്. 28 കേ​സു​ക​ളി​ലാ​യി 77,000 രൂ​പ പി​ഴ ചു​മ​ത്തി. ക​ടു​ത്ത നി​യ​മ​ലം​ഘ​നം ന​ട​ത്തി​യ ര​ണ്ടു​പേ​രു​ടെ ലൈ​സ​ൻ​സ് സ​സ്പെ​ൻ​ഡ് ചെ​യ്തു. അ​പ​ക​ട​ക​ര​മാ​യ രീ​തി​യി​ൽ വാ​ഹ​ന​ങ്ങ​ൾ ഓ​ടി​ക്കു​ന്ന​ത് ഷൂ​ട്ട് ചെ​യ്ത് സ​മൂ​ഹ മാ​ധ‍്യ​മ​ങ്ങ​ളി​ൽ പ്ര​ച​രി​പ്പി​ച്ച​വ​രാ​ണ് കു​ടു​ങ്ങി​യ​വ​രി​ല​ധി​ക​വും. സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​പ്പി​ച്ച വി​ഡി​യോ​യി​ലെ വാ​ഹ​ന​ങ്ങ​ളു​ടെ ന​മ്പ​റു​ക​ൾ മ​ന​സ്സി​ലാ​ക്കി ഉ​ട​മ​ക​ളു​ടെ വീ​ട്ടി​ൽ നേ​രി​ട്ടെ​ത്തി​യാ​ണ് വാ​ഹ​ന​ങ്ങ​ൾ പി​ടി​ച്ചെ​ടു​ത്ത​ത്.

ഓ​പ​റേ​ഷ​ൻ ത​ല്ലു​മാ​ല​യു​ടെ ഭാ​ഗ​മാ​യി നൂ​റോ​ളം ബൈ​ക്കു​ക​ൾ പി​ടി​ച്ചെ​ടു​ത്തു

കു​റ്റി​പ്പു​റം: ഓ​പ​റേ​ഷ​ൻ ത​ല്ലു​മാ​ല​യു​ടെ ഭാ​ഗ​മാ​യി നൂ​റോ​ളം ബൈ​ക്കു​ക​ൾ പി​ടി​ച്ചെ​ടു​ത്തു. ര​ണ്ടു ദി​വ​സ​മാ​യി തു​ട​രു​ന്ന പ്ര​ത്യേ​ക പ​രി​ശോ​ധ​ന​യി​ൽ മോ​ട്ടോ​ർ വാ​ഹ​ന​നി​യ​മം ലം​ഘി​ക്കു​ന്ന വി​ദ്യാ​ർ​ഥി​ക​ളു​ടെ വാ​ഹ​ന​മാ​ണ് കു​റ്റി​പ്പു​റം പൊ​ലീ​സ് പി​ടി​ച്ചെ​ടു​ത്ത​ത്. ലൈ​സ​ൻ​സി​ല്ലാ​തെ​യും മൂ​ന്നു​പേ​രെ വെ​ച്ചും ഹെ​ൽ​മ​റ്റ്, ക​ണ്ണാ​ടി എ​ന്നി​വ​യി​ല്ലാ​തെ​യും യാ​ത്ര ചെ​യ്ത വാ​ഹ​ന​മാ​ണ് പി​ടി​ച്ചെ​ടു​ത്ത​ത്.

ര​ക്ഷി​താ​ക്ക​ൾ എ​ത്തി​യ ശേ​ഷ​മാ​ണ് വാ​ഹ​നം വി​ട്ടു​കൊ​ടു​ക്കു​ന്ന​ത്. ട്രാ​ഫി​ക് നി​യ​മ​ലം​ഘ​ന​ങ്ങ​ൾ കൂ​ടാ​തെ കു​ട്ടി​ക​ൾ സം​ഘം ചേ​ർ​ന്ന് സം​ഘ​ർ​ഷ​മു​ണ്ടാ​ക്കു​ന്ന​തും ശ്ര​ദ്ധ​യി​ൽ പെ​ട്ട​തോ​ടെ​യാ​ണ് ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം ന​ട​പ​ടി തു​ട​ങ്ങി​യ​ത്. രൂ​പ​മാ​റ്റം വ​രു​ത്തി​യ വാ​ഹ​ന​ങ്ങ​ൾ മെ​ക്കാ​നി​ക് സ്റ്റേ​ഷ​നി​ലെ​ത്തി പൂ​ർ​വ​സ്ഥി​തി​യി​ലാ​ക്കി​യ ശേ​ഷ​മാ​ണ് വി​ട്ട​ത്.

സ്കൂ​ൾ പി.​ടി.​എ​യു​ടെ​കൂ​ടി സ​ഹ​ക​ര​ണ​ത്തോ​ടെ നി​യ​മ​ലം​ഘ​ന​ങ്ങ​ൾ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന് സി.​ഐ ശ​ശീ​ന്ദ്ര​ൻ മേ​ലെ​യി​ൽ അ​റി​യി​ച്ചു. എ​സ്.​ഐ​മാ​രാ​യ വി​ജ​യ​കു​മാ​ര​ൻ, സ​ജീ​ഷ്, വാ​സു​ണ്ണി എ​ന്നി​വ​രു​ടെ നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തി​യ​ത്.

കുട്ടി റൈഡർമാരുടെ 35 ബൈക്കുകൾ പിടിച്ചെടുത്തു

പാ​ണ്ടി​ക്കാ​ട്​: 'ഓ​പ​റേ​ഷ​ൻ ത​ല്ലു​മാ​ല'​യു​ടെ ഭാ​ഗ​മാ​യി പൊ​ലീ​സ് ന​ട​ത്തി​യ പ​രി​ശോ​ധ​ന​യി​ൽ പാ​ണ്ടി​ക്കാ​ട് സ്റ്റേ​ഷ​ൻ പ​രി​ധി​യി​ലെ സ്കൂ​ൾ പ​രി​സ​ര​ങ്ങ​ളി​ൽ​നി​ന്ന്​​ പി​ടി​കൂ​ടി​യ​ത് കു​ട്ടി റൈ​ഡ​ർ​മാ​രു​ടെ 35ഓ​ളം ബൈ​ക്കു​ക​ൾ. 22 കേ​സു​ക​ൾ ര​ജി​സ്റ്റ​ർ ചെ​യ്തു. 18 വ​യ​സ്സ്​ പൂ​ർ​ത്തി​യാ​യ വി​ദ്യാ​ർ​ഥി​ക​ൾ​ക്കെ​തി​രെ​യും പ്രാ​യ​പൂ​ർ​ത്തി​യാ​വാ​ത്ത കു​ട്ടി​ക​ളു​ടെ ര​ക്ഷി​താ​ക്ക​ൾ​ക്കെ​തി​രെ​യും വാ​ഹ​ന ഉ​ട​മ​ക​ൾ​ക്കെ​തി​രെ​യു​മാ​ണ്​ കേ​സെ​ടു​ത്ത​ത്.

നി​യ​മ​ലം​ഘ​ന​ങ്ങ​ൾ ന​ട​ത്തി ഓ​ടി​ക്കു​ന്ന വാ​ഹ​ന​ങ്ങ​ൾ ക​ണ്ടെ​ത്തു​ന്ന​തി​ന് പാ​ണ്ടി​ക്കാ​ട്​ പൊ​ലീ​സ്​ സ്കൂ​ളു​ക​ളി​ൽ ന​ട​ത്തി​യ സ്പെ​ഷ​ൽ ഓ​പ​റേ​ഷ​നി​ലൂ​ടെ​യാ​ണ് ബൈ​ക്കു​ക​ൾ പി​ടി​ച്ചെ​ടു​ത്ത​ത്. ലൈ​സ​ൻ​സ് ഇ​ല്ലാ​ത്ത കു​ട്ടി​ക​ൾ സ്കൂ​ളു​ക​ളി​ലേ​ക്ക് വാ​ഹ​ന​മോ​ടി​ച്ച് എ​ത്തു​ന്ന​ത് പ​തി​വാ​യ​തോ​ടെ​യാ​ണ് ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം പാ​ണ്ടി​ക്കാ​ട് സ​ർ​ക്കി​ൾ ഇ​ൻ​സ്പെ​ക്ട​ർ മു​ഹ​മ്മ​ദ് റ​ഫീ​ഖി​ന്റെ നേ​തൃ​ത്വ​ത്തി​ൽ ഓ​പ​റേ​ഷ​ൻ ത​ല്ലു​മാ​ല എ​ന്ന പേ​രി​ൽ റെ​യ്ഡ് ന​ട​ത്തി​യ​ത്. സ്കൂ​ളു​ക​ൾ കേ​ന്ദ്രീ​ക​രി​ച്ച് പ​രി​ശോ​ധ​ന ക​ർ​ശ​ന​മാ​ക്കു​മെ​ന്നും പ്രാ​യ​പൂ​ർ​ത്തി​യാ​വാ​ത്ത കു​ട്ടി​ക​ൾ​ക്ക് ബൈ​ക്ക് ന​ൽ​കി​യ മാ​താ​പി​താ​ക്ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും പാ​ണ്ടി​ക്കാ​ട് പൊ​ലീ​സ് അ​റി​യി​ച്ചു.