കോട്ടയം: സര്വകലാശാലയുടെ അഫിലിയേറ്റഡ് കോളജുകളിലെ ബിരുദാനന്തര ബിരുദ, ബിഎഡ് പ്രോഗ്രാമുകളില് പ്രവേശനത്തിനുള്ള ആദ്യ അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവര് ജൂണ് 26ന് മുമ്പ് ഫീസ് ഓണ്ലൈനില് അടച്ച് പ്രവേശനം ഉറപ്പാക്കണം.
സ്ഥിര പ്രവേശനം എടുക്കുന്നവര് കോളജുകളില് നേരിട്ട് എത്തി ട്യൂഷന് ഫീസ് അടയ്ക്കണം. .താത്കാലിക പ്രവേശനം എടുക്കുന്നവര് സര്വകലാശാലാ ഫീസ് ഓണ്ലൈനില് അടച്ചശേഷം താത്കാലിക പ്രവേശനം തെരഞ്ഞെടുത്ത് ഓണ്ലൈനില് ലഭിക്കുന്ന അലോട്ട്മെന്റ് മെമ്മോ 26ന് മുമ്പ് കോളജുകള്ക്ക് നല്കണം.
പ്രവേശനം ഉറപ്പാക്കിയതിന്റെ തെളിവായി കണ്ഫര്മേഷന് സ്ലിപ്പ് ഡൗണ്ലോഡ് ചെയ്താല് മതിയാകും. ആദ്യ ഓപ്ഷന് അലോട്ട്മെന്റ് ലഭിച്ചവര് നിര്ബന്ധമായും സ്ഥിര പ്രവേശനം എടുക്കണം. ഇവര്ക്ക് താത്കാലിക പ്രവേശനം എടുക്കാന് ക്രമീകരണമില്ല. ജൂണ് 26ന് വൈകുന്നേരം നാലിനു മുന്പ് സര്വകലാശാലാ ഫീസ് അടയ്ക്കാത്തവരുടെയും ഫീസ് അടച്ചശേഷം പ്രവേശനം ഉറപ്പാക്കാത്തവരുടെയും അലോട്ട്മെന്റ് റദ്ദാകും.
അഫിലിയേറ്റഡ് കോളജുകളിലെ പിജി, ബിഎഡ് പ്രോഗ്രാമുകളില് കമ്യൂണിറ്റി മെറിറ്റ് ക്വാട്ടയില് പ്രവേശനത്തിനുള്ള അന്തിമ റാങ്ക് ലിസ്റ്റ് പ്രസിദ്ധീകരിച്ചു. ലിസ്റ്റില് ഉള്പ്പെട്ടവര് കോളജുമായി ബന്ധപ്പെട്ട് നിശ്ചിത തീയതിക്ക് മുന്പ് പ്രവേശനം എടുക്കണം.
എട്ടാം സെമസ്റ്റര് ബാച്ച്ലര് ഓഫ് ഫിസിക്കല് എജ്യുക്കേഷന് ആന്റ് സ്പോര്ട്സ് (2021 അഡ്മിഷന് റഗുലര്, 2017 മുതല് 2020 വരെ അഡ്മിഷനുകള് റീഅപ്പിയറന്സ്, 2016 അഡ്മിഷന് മെഴ്സി ചാന്സ്) പരീക്ഷയുടെ ഫലം പ്രസിദ്ധീകരിച്ചു. പുനര് മൂല്യനിര്ണയത്തിനും സൂക്ഷ്മ പരിശോധനക്കും ജൂലൈ ഏഴു വരെ ഓണ്ലൈനില് അപേക്ഷിക്കാം. വിവരങ്ങള് studentportal.mgu.ac.in ൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.