കോട്ടയം: മഹാത്മാ ഗാന്ധി സര്വകലാശാലയില് അഫിലിയേറ്റ് ചെയ്ത കോളജുകളിലെ ഓണേഴ്സ് ബിരുദ പ്രോഗ്രാമുകളില് ഏകജാലക സംവിധാനത്തിലൂടെയുള്ള പ്രവേശനത്തിന്റെ ആദ്യ അലോട്ട്മെന്റ് പ്രസിദ്ധീകരിച്ചു.
അലോട്ട്മെന്റ് ലഭിച്ചവര് നിശ്ചിത സര്വകലാശാലാ ഫീസ് ഓണ്ലൈനില് അടച്ച് പ്രവേശനം ഉറപ്പാക്കണം. സ്ഥിര പ്രവേശനം നേടുന്നവര് കോളജുകളില് നേരിട്ടെത്തി ട്യൂഷന് ഫീസ് അടക്കണം. താത്കാലിക പ്രവേശനത്തിന് കോളജുകളില് എത്തേണ്ടതില്ല. സര്വകലാശാലാ ഫീസ് ഓണ്ലൈനില് അടച്ച് താൽക്കാലിക പ്രവേശനം തിരഞ്ഞെടുത്താല് മതിയാകും.
ഓണ്ലൈനില് ലഭിക്കുന്ന അലോട്ട്മെന്റ് മെമ്മോ കോളജില് നല്കി ജൂണ് 19ന് മുമ്പ് താൽക്കാലിക പ്രവേശനം ഉറപ്പാക്കണം. പ്രവേശനം ഉറപ്പാക്കിയതിന്റെ തെളിവായി കണ്ഫര്മേഷന് സ്ലിപ്പ് ഡൗണ്ലോഡ് ചെയ്ത് സൂക്ഷിക്കണം. പ്രവേശനവുമായി ബന്ധപ്പെട്ട് പരാതികള് ഉണ്ടെങ്കില് സമര്പ്പിക്കുന്നതിന് ഈ സ്ലിപ്പ് ആവശ്യമാണ്.
ഒന്നാം ഓപ്ഷനില് അലോട്ട്മെന്റ് ലഭിച്ചവര് സ്ഥിര പ്രവേശനം എടുക്കണം. ഇവര്ക്ക് താൽക്കാലിക പ്രവേശനം എടുക്കാന് കഴിയില്ല. 19ന് വൈകിട്ട് നാലിനു മുമ്പ് സര്വകലാശാലാ ഫീസ് അടക്കാത്തവരുടെയും ഫീസ് അടച്ചശേഷം പ്രവേശനം ഉറപ്പാക്കാത്തവരുടെയും അലോട്ട്മെന്റ് റദ്ദാകും.
സര്വകലാശാലയുടെ അഫിലിയേറ്റഡ് കോളജുകളില് ഓണേഴ്സ് ബിരുദ പ്രോഗ്രാമുകളില് കമ്യൂണിറ്റി മെറിറ്റ് ക്വാട്ടയില് പ്രവേശനത്തിനുള്ള അന്തിമ റാങ്ക് ലിസ്റ്റ് പ്രസിദ്ധീകരിച്ചു. ലിസ്റ്റില് ഉള്പ്പെട്ടവര് കോളജുകളുമായി ബന്ധപ്പെട്ട് നിശ്ചിതതീയതിക്ക് മുമ്പ് പ്രവേശനം ഉറപ്പാക്കണം.
രണ്ടാം സെമസ്റ്റര് എം.എ, എം.എസ്.സി, എം.കോം (പ്രൈവറ്റ് രജിസ്ട്രേഷന് 2024 അഡ്മിഷന് റഗുലര്, 2023 അഡ്മിഷന് ഇംപ്രൂവ്മെന്റ്, 2019 മുതല് 2023 വരെ അഡ്മിഷനുകള് സപ്ലിമെന്ററി മെയ് 2025) പരീക്ഷകള് ജൂണ് 30 മുതല് നടക്കും.
അഫിലിയേറ്റഡ് കോളജുകളിലെ ഒന്നാംസെമസ്റ്റര് എൽ.എൽ.എം (2024 അഡ്മിഷന് റെഗുലര്, 2021 മുതല് 2023 വരെ അഡ്മിഷനുകള് സപ്ലിമെന്ററി, 2020 അഡ്മിഷന് രണ്ടാം മെഴ്സി ചാന്സ്, 2019 അഡ്മിഷന് അവസാന മെഴ്സിചാന്സ്) പരീക്ഷകള് ജൂലൈ രണ്ട് മുതല് നടക്കും
അഫിലിയേറ്റഡ് കോളജുകളിലെ മൂന്നാംസെമസ്റ്റര് എൽ.എൽ.എം (2023 അഡ്മിഷന് റഗുലര്, 2021,2022 അഡ്മിഷനുകള് സപ്ലിമെന്ററി) പരീക്ഷകള് ജൂലൈ എട്ട് മുതല് നടക്കും. രണ്ടാംസെമെസ്റ്റര് ബി.വോക് (പുതിയ സ്കീം -2024 അഡ്മിഷന് റഗുലര്,2023 അഡ്മിഷന് ഇംപ്രൂവ്മെന്റ്, 2018 മുതല് 2023 വരെ അഡ്മിഷനുകള് റീ അപ്പിയറന്സ്) പരീക്ഷകള് ജൂണ് 30 മുതല് നടക്കും.
ഒന്നും രണ്ടും സെമസ്റ്റര് ബി.ആര്ക് (2024 അഡ്മിഷന് റഗുലര്, 2019 മുതല് 2023 വരെ അഡിമിഷനുകള് സപ്ലിമെന്ററി) പരീക്ഷകള് ജൂലൈ എട്ട് മുതല് നടക്കും.
അഫിലിയേറ്റഡ് കോളേജുകളിലെ നാലാംസെമസ്റ്റര് എം.എസ്.സി ആര്ട്ടിഫിഷ്യല് ഇന്റലിജന്സ് (സി.എസ്.എസ് - 2023 അഡ്മിഷന് റഗുലര്, 2019 മുതല് 2022 വരെ അഡ്മിഷനുകള് റീ-അപ്പിയറന്സ് ഏപ്രില് 2025) പരീക്ഷയുടെ പ്രൊജക്ട് ഇവാലുവേഷന്, വൈവവോസി പരീക്ഷകള് ജൂണ് 18 മുതല് കോളജുകളില് നടക്കും.
മൂന്നുംനാലും സെമസ്റ്റര് എം.എ അറബിക് (പ്രൈവറ്റ് രജിസ്ട്രേഷന് 2023 അഡ്മിഷന് റഗുലര്, 2019 മുതല് 2022 വരെ അഡ്മിഷനുകള് റീ അപ്പിയറന്സ് മാര്ച്ച് 2025) പരീക്ഷയുടെ പ്രൊജക്ട് വൈവ വോസി പരീക്ഷകള് ജൂണ് 18ന് നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.