തിരുവനന്തപുരം: തദ്ദേശസ്ഥാപനങ്ങളിൽ തെരഞ്ഞെടുപ്പ് നടക്കുന്നതിനാൽ ഈ മാസം 28ലെ എസ്.എസ്.എൽ.സി, ഹയർ സെക്കൻഡറി മോഡൽ പരീക്ഷകൾ മാറ്റി. പത്താം ക്ലാസിന് 28ന് രാവിലെ 9.45 മുതൽ നടത്തേണ്ടിയിരുന്ന ഇംഗ്ലീഷ്, അന്ന് ഉച്ചക്കുശേഷം രണ്ടിന് നടക്കേണ്ട ഹിന്ദി/ ജനറൽ നോളജ് പരീക്ഷകൾ ഇതേ സമയക്രമത്തിൽ മാർച്ച് നാലിന് നടക്കും. പ്ലസ് വണിന് 28ന് രാവിലെയുള്ള കെമിസ്ട്രി/ഹിസ്റ്ററി/ഇസ്ലാമിക് ഹിസ്റ്ററി/ബിസിനസ് സ്റ്റഡീസ്/കമ്യൂണിക്കേറ്റിവ് ഇംഗ്ലീഷ് പരീക്ഷകൾ മാർച്ച് രണ്ടിന് ഉച്ചക്കുശേഷം നടക്കും.
28ന് ഉച്ചക്കുശേഷം നടക്കാനിരുന്ന ബയോളജി/ഇലക്ട്രോണിക്സ്/പൊളിറ്റിക്കൽ സയൻസ്/സംസ്കൃത സാഹിത്യ/കമ്പ്യൂട്ടർ ആപ്ലിക്കേഷൻ/ഇംഗ്ലീഷ് ലിറ്ററേച്ചർ എന്നിവ മാർച്ച് മൂന്നിന് ഉച്ചക്കു ശേഷവും നടക്കും. പ്ലസ് ടുവിന് 28ന് രാവിലെ നടക്കേണ്ടിയിരുന്ന മാത്സ്/പാർട്ട് മൂന്ന് ലാംഗ്വേജസ്/സംസ്കൃത ശാസ്ത്ര/സൈക്കോളജി/പരീക്ഷ മാർച്ച് നാലിന് രാവിലെ നടക്കും. 28ന് ഉച്ചക്കുശേഷം നടക്കേണ്ടിയിരുന്ന ഫിസിക്സ്/ ഇക്കണോമിക്സ് പരീക്ഷകൾ മാർച്ച് നാലിന് ഉച്ചക്കുശേഷവും നടക്കും. മാർച്ച് ഒമ്പതിന് എസ്.എസ്.എൽ.സി പരീക്ഷയും 10ന് ഹയർസെക്കൻഡറി പരീക്ഷയും ആരംഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.