തിരുവനന്തപുരം: ഞായറാഴ്ച പ്രസിദ്ധീകരിക്കുന്ന എം.ബി.ബി.എസ് മോപ് അപ് അലോട്ട്മെൻറിന് സർക്കാർ മെഡിക്കൽ കോളജുകളിലെ അഞ്ച് ഉൾപ്പെടെ 422 സീറ്റുകൾ.
സ്വകാര്യ സ്വാശ്രയ മെഡിക്കൽ കോളജുകളിൽ ഒഴിവുള്ള 417 സീറ്റുകളിൽ 92 എണ്ണം എൻ.ആർ.െഎ േക്വാട്ടയിലാണ്. ഒഴിവുകളുടെ വിവരം പ്രവേശന പരീക്ഷ കമീഷണറുടെ വെബ്സൈറ്റിൽ പ്രസിദ്ധീകരിച്ചിട്ടുണ്ട്.
സർക്കാർ മെഡിക്കൽ കോളജിൽ ഒരു സീറ്റ് മാത്രമായിരുന്നു ഒഴിവായി പ്രസിദ്ധീകരിച്ചത്. എന്നാൽ, നീറ്റ് മോപ് അപ് കൗൺസലിങ്ങിൽ ഉൾപ്പെട്ട നാല് വിദ്യാർഥികൾകൂടി വിടുതൽ വാങ്ങിയതോടെ സർക്കാർ മെഡിക്കൽ കോളജുകളിൽ അഞ്ച് സീറ്റുകൾ ഒഴിവുവന്നു.
തിരുവനന്തപുരം രണ്ട്, കോട്ടയം ഒന്ന്, എറണാകുളം ഒന്ന്, തൃശൂർ ഒന്ന് എന്നിങ്ങനെയാണ് സർക്കാർ മെഡിക്കൽ കോളജുകളിലെ സീറ്റൊഴിവ്. തെരഞ്ഞെടുത്ത വിദ്യാർഥികളുടെ സർട്ടിഫിക്കറ്റ് പരിശോധന ശനിയാഴ്ച ജില്ലാ കേന്ദ്രങ്ങളിൽ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.