രാജ്യത്തെ ഇനിപറയുന്ന നാല് പ്രമുഖ ദേശീയ സ്ഥാപനങ്ങൾ ഇക്കൊല്ലം നടത്തുന്ന ബാച്ചിലർ ഇൻ ഫിസിയോ തെറപ്പി (ബി.പി.ടി), ബാച്ചിലർ ഇൻ ഒക്കുപേഷനൽ തെറപ്പി (ബി.ഒ.ടി), ബാച്ചിലർ ഇൻ പ്രോസ്തെറ്റിക്സ് ആൻഡ് ഓർത്തോട്ടിക്സ് (ബി.പി.ഒ) കോഴ്സുകളിലേക്ക് അപേക്ഷകൾ ക്ഷണിച്ചു.
നാഷനൽ ഇൻസ്റ്റിറ്റ്യൂട്ട് ഫോർ ലോക്കോ മോട്ടോർ ഡിസെബിലിറ്റീസ്, കൊൽക്കത്ത, സ്വാമി വിവേകാനന്ദ നാഷനൽ ഇൻസ്റ്റിറ്റ്യൂട്ട് ഓഫ് റീഹാബിലിറ്റേഷൻ ട്രെയ്നിങ് ആൻഡ് റിസർച്, ഓലാത്പുർ, ഖട്ടക്, നാഷനൽ ഇൻസ്റ്റിറ്റ്യൂട്ട് ഫോർ എംപവർമെന്റ് ഓഫ് പേഴ്സനൽ വിത്ത് മൾട്ടിപ്പിൾ ഡിസെബിലിറ്റീസ് ചെന്നൈ, പണ്ഡിറ്റ് ദീൻദയാൽ ഉപാധ്യായ നാഷനൽ ഇൻസ്റ്റിറ്റ്യൂട്ട് ഫോർ പേഴ്സൻസ് വിത്ത് ഫിസിക്കൽ ഡിസെബിലിറ്റീസ് ന്യൂഡൽഹി എന്നീ സ്ഥാപനങ്ങളിലാണ് കോഴ്സുകളുള്ളത്.
ഈ കോഴ്സുകളിലേക്കുള്ള പൊതുപ്രവേശന പരീക്ഷ ജൂലൈ ഒമ്പതിന് ദേശീയതലത്തിൽ നടത്തും. നാലുവർഷത്തെ പ്രഫഷനൽ കോഴ്സുകളാണിത്. ആറു മാസത്തെ ഇന്റേൺഷിപ് പൂർത്തിയാക്കണം. ആകെ 366 സീറ്റുകളാണുള്ളത്.
യോഗ്യത: ഫിസിക്സ്, കെമിസ്ട്രി, ബയോളജി/മാത്തമാറ്റിക്സ്, ഇംഗ്ലീഷ് വിഷയങ്ങൾക്ക് മൊത്തം 50 ശതമാനം മാർക്കിൽ കുറയാതെ പ്ലസ് ടു/തത്തുല്യ ബോർഡ് പരീക്ഷ പാസായിരിക്കണം. എസ്.സി/എസ്.ടി വിദ്യാർഥികൾക്ക് 40 ശതമാനവും ഭിന്നശേഷിക്കാർക്ക് 45 ശതമാനവും മാർക്ക് എന്നിങ്ങനെ മതി. ഫൈനൽ യോഗ്യത പരീക്ഷയെഴുതി ഫലം കാത്തിരിക്കുന്നവർക്കും അപേക്ഷിക്കാം. അപേക്ഷ ഫീസ് 1000 രൂപ. എസ്.സി/എസ്.ടി/പി.ഡബ്ല്യൂ.ഡി വിദ്യാർഥികൾക്ക് 800 രൂപ മതിയാകും.
വിശദവിവരങ്ങൾ അടങ്ങിയ പ്രവേശന വിജ്ഞാപനം, ഇൻഫർമേഷൻ ബ്രോഷർ www.niokol.nic.inൽനിന്ന് ഡൗൺലോഡ് ചെയ്യാം. നിർദേശാനുസരണം ഓൺലൈനായി ജൂൺ 12 വൈകീട്ട് അഞ്ചുവരെ അപേക്ഷ സമർപ്പിക്കാം. അന്വേഷണങ്ങൾക്ക് ഇ-മെയിൽ: nild.cat2023@gmail.com. ഫോൺ: 033-25312564, 9432772725. പഠിച്ചിറങ്ങുന്നവർക്ക് ആരോഗ്യ പരിപാലന/ ചികിത്സാ മേഖലകളിലും മറ്റും മികച്ച തൊഴിൽ സാധ്യതകളാണുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.