ഒ.എൻ.ജി.സി ഫൗണ്ടേഷൻ ന്യൂഡൽഹി 2022-23 അധ്യയന വർഷത്തെ സ്കോളർഷിപ്പുകൾക്ക് അപേക്ഷകൾ ക്ഷണിച്ചു. ആകെ 2000 സ്കോളർഷിപ്പുകളാണുള്ളത് (ജനറൽ/ഇ.ഡബ്ല്യൂ.എസ് വിഭാഗം വിദ്യാർഥികൾക്ക് -500, ഒ.ബി.സി വിഭാഗം വിദ്യാർഥികൾക്ക് 500, പട്ടികജാതി-വർഗ വിദ്യാർഥികൾക്ക് -1000). 50 ശതമാനം സ്കോളർഷിപ്പുകൾ പെൺകുട്ടികൾക്കാണ്.
2022-23 അധ്യയനവർഷം ബി.ഇ/ബി.ടെക്, എം.ബി.ബി.എസ്, എം.ബി.എ, എം.എസ്.സി (ജിയോളജി, ജിയോ ഫിസിക്സ്), കോഴ്സുകളിൽ പ്രവേശനം നേടിയവർക്ക് അപേക്ഷിക്കാം. റെഗുലർ ഫുൾടൈം കോഴ്സിൽ പഠിക്കുന്നവരാകണം.
എൻജിനീയറിങ്, മെഡിസിൻ ഒന്നാംവർഷ ബിരുദ കോഴ്സുകളിൽ പ്രവേശനം നേടിയവർക്ക് പ്ലസ് ടുതലത്തിൽ 60 ശതമാനം മാർക്കിൽ കുറയാതെയും പി.ജി കോഴ്സുകളിൽ പ്രവേശനം നേടിയവർക്ക് ബിരുദതലത്തിൽ 60 ശതമാനം മാർക്കിൽ/തത്തുല്യ ഗേഡ്രിൽ കുറയാതെയുമുണ്ടാകണം. പ്രായപരിധി 1.5.2022ൽ 30. വാർഷിക കുടുംബവരുമാനം രണ്ട് ലക്ഷം രൂപക്ക് താഴെയാകണം.
സ്കോളർഷിപ് പദ്ധതിയുടെ വിശദാംശങ്ങളും അപേക്ഷാഫോറവും www.ongcscholar.orgൽ ലഭിക്കും. ഓൺലൈനായി മേയ് 23 മുതൽ അപേക്ഷിക്കാം. ജൂലൈ എട്ട് വരെ അപേക്ഷ സ്വീകരിക്കും. യോഗ്യതാ പരീക്ഷയുടെ മാർക്കിന്റെ മെറിറ്റടിസ്ഥാനത്തിലാണ് സെലക്ഷൻ. തിരഞ്ഞെടുക്കപ്പെടുന്നവർക്ക് പഠനകാലയളവിൽ വർഷംതോറും 48,000 രൂപയാണ് സ്കോളർഷിപ്പായി ലഭിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.