മുംബൈ: ആരോഗ്യ സേവന രംഗത്തെ പ്രമുഖരായ നാരായണ ഹൃദയാലയയുടെ ഐ.പി.ഒക്ക് (ഇനീഷ്യല്‍ പബ്ളിക് ഓഫര്‍) 8.1 മടങ്ങ് അപേക്ഷകര്‍. 1,71,66,309 ഓഹരികളിലൂടെ 613 കോടി രൂപ സമാഹരിക്കാന്‍ ലക്ഷ്യമിട്ടുള്ള ഐ.പി.ഒയില്‍ 14,44,27,680 ഓഹരികള്‍ക്കാണ് ബിഡ് ലഭിച്ചത്. ഓഹരിയൊന്നിന് 245-250 രൂപയായിരുന്നു പ്രൈസ് ബാന്‍ഡ് നിശ്ചയിച്ചിരുന്നത്. സിങ്കപ്പൂര്‍ സര്‍ക്കാറുള്‍പ്പെടെ ആങ്കര്‍ നിക്ഷേപകരില്‍നിന്ന് നേരത്തെ കമ്പനി 184 കോടി രൂപ ഉയര്‍ന്ന പ്രൈസ് ബാന്‍ഡില്‍ സ്വരൂപിച്ചിരുന്നു. ഡോ. ലാല്‍ പാത്ലാബ്സിനും ആല്‍ക്കെം ലബോറട്ടറീസിനും പിന്നാലെ ഈ മാസം ആരോഗ്യ മേഖലയില്‍നിന്ന് വിജയകരമായി പൂര്‍ത്തിയാവുന്ന മൂന്നാമത്തെ ഐ.പി.ഒയാണ് നാരായണ ഹൃദയാലയ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.