വ്യാപാര മേഖല: വളർച്ച താഴോട്ട്​

നിരോധനം നോട്ടുകളുടെ ദൗർലഭ്യത്തിനും ഉപഭോക്​താക്കളുടെ ക്രയവിക്രയ ശേഷി കുറയാനും കാരണമായെന്നാണ്​ വ്യാപാരികൾ പറയുന്നത്​. ഒാരോ വർഷവും വ്യാപാര മേഖലയിൽ 10-15 ശതമാനം വളർച്ചയുണ്ടായിരുന്നത്​​ ഇപ്പോൾ പത്ത്​ ശതമാനം ഇടിവാണ്​ കാണിക്കുന്നത്​. പണരഹിത സമ്പദ്​വ്യവസ്​ഥ എന്ന ആശയം സാധാരണക്കാർക്ക്​ ഉൾക്കൊള്ളാനായിട്ടില്ലെന്നതിന്​​ വ്യാപാരികൾ നൂറുനൂറു തെളിവുകൾ നിരത്തുന്നു.  അര ലക്ഷം രൂപക്ക്​ മേൽ സ്വർണം വാങ്ങുന്നവർ ആധാർ വേണമെന്ന നിർദേശം രണ്ട്​ ലക്ഷം രൂപക്ക്​ മേൽ എന്നാക്കി പിന്നീട്​ തിരുത്തിയത്​ നോട്ട്​ നിരോധനം സ്വർണ വ്യാപാര മേഖലക്ക്​ തിരിച്ചടിയായെന്ന തിരിച്ചറിവ്​ കൊണ്ടാണെന്നും അവർ ചൂണ്ടിക്കാട്ടുന്നു.