മോസ്കോ: യുക്രെയ്ൻ യുദ്ധവുമായി ബന്ധപ്പെട്ട് തെറ്റായ വിവരങ്ങളടങ്ങിയ വിഡിയോ യൂട്യൂബിൽ നൽകിയെന്നാരോപിച്ച് ഗൂഗിളിന് റഷ്യൻ കോടതി 30 ലക്ഷം റൂബിൾ (ഏകദേശം 26.5 ലക്ഷം രൂപ) പിഴയിട്ടു. വിഡിയോയിലുള്ളത് തെറ്റായ വിവരങ്ങളാണെന്നും നീക്കംചെയ്യണമെന്നും ആവശ്യപ്പെട്ടിട്ടും ചെയ്യാതിരുന്നതിനെ തുടർന്നാണ് മജിസ്ട്രേറ്റ് കോടതി പിഴയിട്ടത്.
ഈ മാസാദ്യം സമാനമായ കേസിൽ ആപ്പിൾ, വിക്കിമീഡിയ ഫൗണ്ടേഷൻ എന്നിവർക്കെതിരെയും നടപടിയെടുത്തിരുന്നു. പ്രായപൂർത്തിയാകാത്തവർക്ക് അനുമതിയില്ലാത്ത സംവിധാനങ്ങളിലേക്ക് പ്രവേശിക്കാൻ അവർക്ക് വഴി നൽകുന്നുവെന്നാണ് ഗൂഗിളിനെതിരെയുള്ള ആരോപണമെന്ന് റഷ്യൻ മാധ്യമങ്ങൾ റിപ്പോർട്ട് ചെയ്തു. എന്നാൽ, ഏതുതരം സംവിധാനമാണ് എന്നത് വിശദീകരിച്ചിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.