ഇസ്‍ലാമാബാദ്: സംഘർഷത്തിന് അയവില്ലാതെ തുടരുന്ന പാക് അധീന കശ്മീരിൽ സുരക്ഷ സേന നടത്തിയ വെടിവെപ്പിൽ മൂന്നു മരണം. ആറു പേർക്ക് പരിക്കേറ്റിട്ടുണ്ട്. അർധ സൈനിക വിഭാഗമായ റേഞ്ചേഴ്സിനെതിരെ അക്രമം നടത്തിയവർക്കുനേരെ വെടിവെപ്പ് നടത്തുകയായിരുന്നുവെന്നാണ് റിപ്പോർട്ട്.
ഭക്ഷ്യവസ്തുക്കളുടെയും അവശ്യസേവനങ്ങളുടെയും വില കുത്തനെ ഉയർന്നതിനെതിരെയാണ് ജനം ദിവസങ്ങളായി തെരുവിലിറങ്ങിയത്. കലാപം അടിച്ചമർത്താൻ തലസ്ഥാന നഗരമായ മുസഫറാബാദിലെത്തിയ റേഞ്ചേഴ്സ് സേന മടങ്ങുന്നതിനിടെയായിരുന്നു ആക്രമണം.
കല്ലേറിനെ തുടർന്ന് കണ്ണീർവാതകം പ്രയോഗിച്ച അർധ സൈനികർ പിന്നീട് വെടിവെക്കുകയായിരുന്നു. നിരവധി സൈനിക വാഹനങ്ങൾ അഗ്നിക്കിരയായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.