ആദ്യ വിദേശ യാത്ര സൗദിയിലേക്ക്; ഇറാനോട് മുഖം തിരിച്ച് സിറിയൻ പ്രസിഡന്റ്

ഡ​മ​സ്ക​സ്: സി​റി​യ​യു​ടെ പു​തി​യ പ്ര​സി​ഡ​ന്റാ​യി ചു​മ​ത​ല​യേ​റ്റ ശേ​ഷം ആ​ദ്യ വി​ദേ​ശ യാ​ത്ര​ക്ക് സൗ​ദി​യി​ലെ​ത്തി ഹൈ​അ​ത് ത​ഹ്റീ​ർ അ​ശ്ശാം നേ​താ​വ് അ​ഹ​മ്മ​ദ് അ​ൽ ഷ​റാ. വി​ദേ​ശ​കാ​ര്യ മ​ന്ത്രി അ​സാ​ദ് അ​ൽ ശൈ​ബാ​നി​ക്കൊ​പ്പ​മാ​ണ് അ​ദ്ദേ​ഹം സൗ​ദി ജെ​റ്റ് വി​മാ​ന​ത്തി​ൽ ത​ല​സ്ഥാ​ന​മാ​യ റി​യാ​ദി​ലെ​ത്തി​യ​ത്. സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​നു​മാ​യി സി​റി​യ​ൻ പ്ര​സി​ഡ​ന്റ് കൂ​ടി​ക്കാ​ഴ്ച ന​ട​ത്തും. സി​റി​യ​യു​ടെ വി​ദേ​ശ ന​യ​ത്തി​ൽ കാ​ത​ലാ​യ മാ​റ്റം വ​ന്നെ​ന്ന സൂ​ച​ന​യാ​ണ് അ​ബു മു​ഹ​മ്മ​ദ് അ​ൽ ജൂ​ലാ​നി എ​ന്ന​റി​യ​പ്പെ​ട്ടി​രു​ന്ന അ​ൽ ഷ​റാ​യു​ടെ സൗ​ദി സ​ന്ദ​ർ​ശ​നം വ്യ​ക്ത​മാ​ക്കു​ന്ന​ത്.

ബ​ശ്ശാ​റു​ൽ അ​സ​ദ് പ്ര​സി​ഡ​ന്റാ​യി​രി​ക്കെ അ​റ​ബ് രാ​ജ്യ​ങ്ങ​ൾ​ക്ക് പ​ക​രം ഇ​റാ​നു​മാ​യാ​ണ് സി​റി​യ ഏ​റ്റ​വും ശ​ക്ത​മാ​യ ന​യ​ത​ന്ത്ര ബ​ന്ധം പു​ല​ർ​ത്തി​യി​രു​ന്ന​ത്. അ​സ​ദി​നെ​തി​രെ 2011ലെ ​ജ​ന​കീ​യ പ്ര​ക്ഷോ​ഭ​ത്തി​ന് ഏ​റ്റ​വും പി​ന്തു​ണ ന​ൽ​കി​യ രാ​ജ്യ​ങ്ങ​ളി​ൽ ഒ​ന്നാ​ണ് സൗ​ദി.

ഇ​റാ​ന്റെ​യും റ​ഷ്യ​യു​ടെ​യും സ​ഹാ​യ​ത്തോ​ടെ​യാ​ണ് അ​ന്ന് അ​സ​ദ് ജ​ന​കീ​യ പ്ര​ക്ഷോ​ഭ​ത്തെ അ​ടി​ച്ച​മ​ർ​ത്തി​യ​ത്. അ​സ​ദ് ഭ​ര​ണ​കൂ​ടം ത​ക​ർ​ന്ന​തി​ന് പി​ന്നാ​ലെ പൂ​ട്ടി​യ ഡ​മ​സ്ക​സി​ലെ ഇ​റാ​ന്റെ ന​യ​ത​ന്ത്ര കാ​ര്യാ​ല​യം ഇ​തു​വ​രെ തു​റ​ന്നി​ട്ടി​ല്ല. അ​ൽ​ഖാ ഇ​ദ​യു​മാ​യി ബ​ന്ധ​മു​ള്ള സം​ഘ​ട​ന​യാ​ണെ​ങ്കി​ലും സി​റി​യ​ൻ ഭ​ര​ണം പി​ടി​ച്ച ശേ​ഷം പ്ര​തി​ച്ഛാ​യ മെ​ച്ച​പ്പെ​ടു​ത്താ​നു​ള്ള ശ്ര​മ​ത്തി​ലാ​ണ് ഹൈ​അ​ത് ത​ഹ്റീ​ർ അ​ശ്ശാം. ഇ​തി​ന്റെ ഭാ​ഗ​മാ​യി രാ​ജ്യ​ത്തെ ന്യൂ​ന​പ​ക്ഷ​ങ്ങ​ളു​മാ​യു​ള്ള ബ​ന്ധം ശ​ക്ത​മാ​ക്കു​ക​യും ഭ​ര​ണ​ത​ല​ത്തി​ൽ വ​നി​ത​ക​ളെ നി​യ​മി​ക്കു​ക​യും​ ചെ​യ്തി​രു​ന്നു.