സ്റ്റുഡന്റ് വിസ റദ്ദാക്കി: ട്രംപ് ഭരണകൂടത്തിനെതിരെ ഇന്ത്യക്കാരടക്കം കോടതിയിൽ

വാ​ഷി​ങ്ട​ൺ: യു.​എ​സി​ൽ സ്റ്റു​ഡ​ന്റ് വി​സ റ​ദ്ദാ​ക്കി​യ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് ഭ​ര​ണ​കൂ​ട​ത്തി​ന്റെ ന​ട​പ​ടി​ക്കെ​തി​രെ ഇ​ന്ത്യ​ക്കാ​ര​ട​ക്ക​മു​ള്ള വി​ദ്യാ​ർ​ഥി​ക​ൾ കോ​ട​തി​യി​ൽ. ന്യൂ ​ഇം​ഗ്ല​ണ്ടി​ലെ​യും പോ​ർ​ട്ടോ റി​കോ​യി​ലെ​യും 100ലേ​റെ വി​ദ്യാ​ർ​ഥി​ക​ളാ​ണ് ന്യൂ ​ഹാം​ഷെ​യ​ർ ഫെ​ഡ​റ​ൽ കോ​ട​തി​യെ സ​മീ​പി​ച്ച​ത്. വി​ദ്യാ​ർ​ഥി​ക​ൾ​ക്കു വേ​ണ്ടി അ​മേ​രി​ക്ക​ൻ സി​വി​ൽ ലി​ബ​ർ​ട്ടീ​സ് യൂ​നി​യ​നു​മാ​യി (എ.​സി.​എ​ൽ.​യു) ബ​ന്ധ​മു​ള്ള സം​ഘ​ട​ന​ക​ൾ ഹ​ര​ജി സ​മ​ർ​പ്പി​ക്കു​ക​യാ​യി​രു​ന്നു. മു​ന്ന​റി​യി​പ്പി​ല്ലാ​തെ എ​ഫ്-1 സ്റ്റു​ഡ​ന്റ് വി​സ റ​ദ്ദാ​ക്കി​യ​ത് കാ​ര​ണം പ​ഠ​നം പാ​തി​വ​ഴി​യി​ൽ അ​വ​​സാ​നി​​പ്പി​ക്കേ​ണ്ട അ​വ​സ്ഥ​യി​ലാ​ണെ​ന്ന് വി​ദ്യാ​ർ​ഥി​ക​ൾ ഹ​ര​ജി​യി​ൽ ചൂ​ണ്ടി​ക്കാ​ട്ടി.

ന്യൂ ​ഹാം​ഷെ​യ​റി​ലെ റി​വി​യ​ർ സ​ർ​വ​ക​ലാ​ശാ​ല​യി​ൽ​നി​ന്ന് ക​മ്പ്യൂ​ട്ട​ർ സ​യ​ൻ​സി​ൽ ബി​രു​ദാ​ന​ന്ത​ര ബി​രു​ദം പൂ​ർ​ത്തി​യാ​ക്കാ​നും വി​ദേ​ശ വി​ദ്യാ​ർ​ഥി​ക​ൾ​ക്കു​ള്ള തൊ​ഴി​ൽ പ​ദ്ധ​തി​യി​ലൂ​ടെ യു.​എ​സി​ൽ തു​ട​രാ​നും അ​പേ​ക്ഷി​ക്കാ​നി​രി​ക്കെ​യാ​ണ് ഇ​ന്ത്യ​ക്കാ​ര​നാ​യ മ​ണി​ക​ണ്ഠ പ​സു​ല​യു​ടെ വി​സ ഭ​ര​ണ​കൂ​ടം റ​ദ്ദാ​ക്കി​യ​ത്.

170ലേ​റെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ 1100ഓ​ളം വി​ദ്യാ​ർ​ഥി​ക​ളു​ടെ വി​സ മാ​ർ​ച്ചി​നു ശേ​ഷം റ​ദ്ദാ​ക്കി​യി​ട്ടു​ണ്ടെ​ന്നാ​ണ് റി​പ്പോ​ർ​ട്ട്. വി​ദേ​ശ വി​ദ്യാ​ർ​ഥി​ക​ൾ സ​ർ​വ​ക​ലാ​ശാ​ല​ക​ളിലെ പ്ര​ധാ​ന​പ്പെ​ട്ട ക​മ്യൂ​ണി​റ്റി ആ​ണെ​ന്നും അ​വ​രു​ടെ വി​സ റ​ദ്ദാ​ക്കാ​നും പ​ഠ​നം മു​ട​ക്കാ​നും നാ​ടു​ക​ട​ത്താ​നും ഒ​രു ഭ​ര​ണ​കൂ​ട​ത്തെ​യും നി​യ​മം അ​നു​വ​ദി​ക്കു​ന്നി​ല്ലെ​ന്നും ന്യൂ ​ഹാം​ഷെ​യ​ർ എ.​സി.​എ​ൽ.​യു ലീ​ഗ​ൽ ഡ​യ​റ​ക്ട​ർ ഗി​ൽ​സ് ബി​സോ​നെ​റ്റ് പ​റ​ഞ്ഞു. ഹ​ര​ജി സ​മ​ർ​പ്പി​ച്ച​തി​നെ​ക്കു​റി​ച്ച് ആ​ഭ്യ​ന്ത​ര സു​ര​ക്ഷ വ​കു​പ്പ് ഇ​തു​വ​രെ പ്ര​തി​ക​രി​ച്ചി​ട്ടി​ല്ല.

വി​സ റ​ദ്ദാ​ക്കി​യ​തി​നെ​തി​രെ നി​യ​മ​ന​ട​പ​ടി സ്വീ​ക​രി​ക്കാ​ൻ അ​വ​സ​രം ന​ൽ​കി​യി​ല്ലെ​ന്ന് ചൂ​ണ്ടി​ക്കാ​ട്ടി നേ​ര​ത്തേ​യും വി​ദേ​ശ വി​ദ്യാ​ർ​ഥി​ക​ൾ കോ​ട​തി​യെ സ​മീ​പി​ച്ചി​ട്ടു​ണ്ട്. ഇ​തേ​തു​ട​ർ​ന്ന് വി​ദ്യാ​ർ​ഥി​ക​ളെ പു​റ​ത്താ​ക്കാ​നു​ള്ള നീ​ക്കം താ​ൽ​ക്കാ​ലി​ക​മാ​യി ത​ട​ഞ്ഞ് ന്യൂ ​ഹാം​ഷെ​യ​ർ, വി​സ്കോ​ൺ​സ​ൻ, മാ​ണ്ടേ​ന എ​ന്നി​വി​ട​ങ്ങ​ളി​ലെ ഫെ​ഡ​റ​ൽ ജ​ഡ്ജി​മാ​ർ ഉ​ത്ത​ര​വി​റ​ക്കി​യി​രു​ന്നു.

ഫ​ല​സ്തീ​ൻ അ​നു​കൂ​ല റാ​ലി സം​ഘ​ടി​പ്പി​ച്ച​തി​ന്റെ പേ​രി​ൽ കൊ​ളം​ബി​യ സ​ർ​വ​ക​ലാ​ശാ​ല വി​ദ്യാ​ർ​ഥി​ക​ളാ​യ മ​ഹ്മൂ​ദ് ഖ​ലീ​ലി​ന്റെ​യും മു​ഹ്സി​ൻ മ​ഹ്ദാ​വി​യു​ടെ​യും വി​സ ഭ​ര​ണ​കൂ​ടം റ​ദ്ദാ​ക്കി​യ​ത് വ​ൻ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു. രാ​ജ്യ​ത്തി​ന്റെ വി​ദേ​ശ ന​യ​ത്തി​ന് വി​രു​ദ്ധ​മാ​യി ഫ​ല​സ്തീ​ൻ അ​നു​കൂ​ല റാ​ലി ന​ട​ത്തി​യ​വ​രു​ടെ​യും ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​യ​വ​രു​ടെ​യും വി​സ റ​ദ്ദാ​ക്കു​ക​യാ​ണെ​ന്നാ​ണ് ക​ഴി​ഞ്ഞ മാ​സം യു.​എ​സ് സ്റ്റേ​റ്റ് സെ​ക്ര​ട്ട​റി മാ​ർ​കോ റൂ​ബി​യോ പ​റ​ഞ്ഞ​ത്.