രാഷ്ട്രീയാഭയം, തടവ്; ഒടുവിൽ മോചനം

ലണ്ടൻ: 2006ൽ ​വി​ക്കി​ലീ​ക്‌​സ് സ്ഥാ​പി​ച്ച​തോ​ടെ​യാ​ണ് ജൂലിയൻ അ​സാ​ൻ​ജ് പ്ര​ശ​സ്തി​യി​ലേ​ക്ക് ഉ​യ​ർ​ന്ന​ത്. ആ​ളു​ക​ൾ​ക്ക് രേ​ഖ​ക​ളും വി​ഡി​യോ​ക​ളും അ​ജ്ഞാ​ത​മാ​യി സ​മ​ർ​പ്പി​ക്കാ​നു​ള്ള ഒ​രു ഓ​ൺ​ലൈ​ൻ പ്ലാ​റ്റ്‌​ഫോ​മാ​ണ് അ​ദ്ദേ​ഹം ത​യാ​റാ​ക്കി​യ​ത്.

2010 ൽ ​അ​​​മേ​രി​ക്ക​യെ ഞെ​ട്ടി​ച്ച് നി​ര​വ​ധി രേ​ഖ​ക​ളാ​ണ് പു​റ​ത്തു​വി​ട്ട​ത്. ഇ​റാ​ഖി​ലും അ​ഫ്ഗാ​നി​സ്താ​നി​ലും സൈ​നി​ക ന​ട​പ​ടി​യു​ടെ മ​റ​വി​ൽ അ​മേ​രി​ക്ക ന​ട​ത്തി​യ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ പു​റ​ത്തു​വി​ട്ട​തോ​ടെ​ അ​സാ​ൻ​ജ് അ​മേ​രി​ക്ക​യു​ടെ ക​ണ്ണി​ലെ ക​ര​ടാ​യി.

വി​വി​ധ രാ​ജ്യ​ങ്ങ​ളി​ലെ അ​മേ​രി​ക്ക​ൻ എം​ബ​സി​ക​ൾ ന​ട​ത്തി​യ ചാ​ര​പ്ര​വ​ർ​ത്ത​ന​ങ്ങ​ളും എം​ബ​സി ഉ​ദ്യോ​ഗ​സ്ഥ​ർ സ​മ​ർ​പ്പി​ച്ച രേ​ഖ​ക​ളും വിക്കിലീക്സിലൂടെ പു​റ​ത്തു​വ​ന്നു. 2007ൽ ​ബാ​ഗ്ദാ​ദി​ൽ അ​മേ​രി​ക്ക​ൻ സൈ​ന്യം ന​ട​ത്തി​യ അ​പ്പാ​ച്ചെ ഹെ​ലി​കോ​പ്റ്റ​ർ ആ​ക്ര​മ​ണ​ത്തി​ൽ ര​ണ്ട് റോ​യി​ട്ടേ​ഴ്‌​സ് മാ​ധ്യ​മ​പ്ര​വ​ർ​ത്ത​ക​ർ ഉ​ൾ​പ്പെ​ടെ 11 പേ​രെ കൊ​ല​പ്പെ​ടു​ത്തി​യ​തി​ന്റെ വി​ഡി​യോ​യും ഫ​യ​ലു​ക​ൾ ഉ​ൾ​പ്പെ​ടെ ഇ​ത്ത​ര​ത്തി​ൽ പു​റ​ത്തു​വ​ന്നു.

2016ൽ, ​യു.​എ​സ് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യു​ള്ള ഡെ​മോ​ക്രാ​റ്റി​ക് പാ​ർ​ട്ടി പ്ര​വ​ർ​ത്ത​ക​രു​ടെ ഇ ​മെ​യി​ലു​ക​ൾ വി​ക്കി​ലീ​ക്സ് പ്ര​സി​ദ്ധീ​ക​രി​ച്ച​തി​നെ​തു​ട​ർ​ന്ന് അ​സാ​ൻ​ജ് വീ​ണ്ടും വാ​ർ​ത്ത​ക​ളി​ൽ ഇ​ടം​നേ​ടി.

ഇ ​മെ​യി​ലു​ക​ൾ റ​ഷ്യ​ൻ ഇ​ന്റ​ലി​ജ​ൻ​സ് മോ​ഷ്ടി​ച്ച​താ​ണെ​ന്നും ഡൊ​ണാ​ൾ​ഡ് ട്രം​പി​ന് വേ​ണ്ടി തെ​ര​ഞ്ഞെ​ടു​പ്പി​ൽ ഇ​ട​പെ​ടാ​നു​ള്ള പ​ദ്ധ​തി​യു​ടെ ഭാ​ഗ​മാ​ണി​തെ​ന്നും യു.​എ​സ് പ്രോ​സി​ക്യൂ​ട്ട​ർ​മാ​ർ ആ​രോ​പി​ച്ചി​രു​ന്നു. 2010ൽ ​അ​സാ​ൻ​ജി​നെ​തി​രെ ര​ണ്ട് ലൈം​ഗി​കാ​തി​ക്ര​മ കേ​സു​ക​ളി​ൽ സ്വീ​ഡ​ൻ അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ചു.

അ​സാ​ൻ​ജി​നെ സ്വീ​ഡ​ന് കൈ​മാ​റാ​ൻ യു.​കെ കോ​ട​തി വി​ധി​ച്ച​തോ​ടെ അ​ദ്ദേ​ഹം 2012 ൽ ​ഇ​ക്വ​ഡോ​ർ എം​ബ​സി​യി​ൽ രാ​ഷ്ട്രീ​യ അ​ഭ​യം​തേ​ടി. തു​ട​ർ​ന്ന് ഏ​ഴ് വ​ർ​ഷ​ത്തോ​ളം എം​ബ​സി​യി​ലാ​ണ് ക​ഴി​ച്ചു​കൂ​ട്ടി​യ​ത്.

2017ൽ ​സ്വീ​ഡി​ഷ് അ​ധി​കൃ​ത​ർ അ​സാ​ൻ​ജി​നെ​തി​രാ​യ ആ​രോ​പ​ണ​ങ്ങ​ൾ ഒ​ഴി​വാ​ക്കി. 2019 ൽ ​ഇ​ക്വ​ഡോ​ർ രാ​ഷ്ട്രീ​യ അ​ഭ​യം അ​വ​സാ​നി​പ്പി​ച്ചു. തു​ട​ർ​ന്ന് യു.​എ​സ് ആ​വ​ശ്യ​​ത്തി​ൽ യു.​കെ പൊ​ലീ​സ് അ​റ​സ്റ്റ് ചെ​യ്തു.

2021ൽ, ​ഒ​രു യു.​കെ കോ​ട​തി അ​സാ​ൻ​ജി​നെ യു​എ​സി​ന് കൈ​മാ​റാ​മെ​ന്ന് വി​ധി​വന്നെങ്കിലും ഈ ​വ​ർ​ഷം ആ​ദ്യം ​വി​ധി​ക്കെതിരെ അ​പ്പീ​ലിനു​ള്ള അ​വ​കാ​ശം അ​ദ്ദേ​ഹം നേ​ടു​ക​യാ​യി​രു​ന്നു.

175 വ​ർ​ഷം​വ​രെ ത​ട​വ് ല​ഭി​ക്കാ​വു​ന്ന 18 കു​റ്റ​ങ്ങ​ളാ​ണ് അ​മേ​രി​ക്ക അ​ദ്ദേ​ഹ​ത്തി​നെ​തി​രെ ചു​മ​ത്തി​യ​ത്. ജാ​മ്യ​ത്തി​നു​ള്ള ധാ​ര​ണ​യ​നു​സ​രി​ച്ച് കു​റ്റം സ​മ്മ​തി​ച്ച​തോ​ടെ നാ​ടു​ക​ട​ത്താ​നു​ള്ള അ​പേ​ക്ഷ ഉ​പേ​ക്ഷി​ക്ക​പ്പെ​ടു​മെ​ന്നാ​ണ് ക​രു​തു​ന്ന​ത്. മ​റ്റ് ആ​രോ​പ​ണ​ങ്ങ​ളും നേ​രി​ടേ​ണ്ടി​വ​രി​ല്ല. അ​മേ​രി​ക്ക​യി​ലേ​ക്ക് പോ​കു​ന്ന​തി​ൽ അ​സാ​ൻ​ജ് എ​തി​ർ​പ്പ് പ്ര​ക​ടി​പ്പി​ച്ച സാ​ഹ​ച​ര്യ​ത്തി​ലാ​ണ് ആ​സ്ട്രേ​ലി​യ​ക്ക​ടു​ത്തു​ള്ള സാ​യ്പാ​നി​ലെ കോ​ട​തി​യി​ൽ ഹാ​ജ​രാ​കാ​ൻ അ​നു​മ​തി ന​ൽ​കി​യ​ത്.

ഫെ​ബ്രു​വ​രി​യി​ൽ യു​എ​സ്, യു.​കെ സ​ർ​ക്കാ​റു​ക​ളോ​ട് അ​സാ​ൻ​ജി​നെ ജ​ന്മ​നാ​ട്ടി​ലേ​ക്ക് മ​ട​ങ്ങാ​ൻ അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ആ​സ്‌​ട്രേ​ലി​യ​ൻ പാ​ർ​ല​മെ​ന്റ് പ്ര​മേ​യം പാ​സാ​ക്കി​യി​രു​ന്നു.