ജപ്പാനിൽ വീണ്ടും ഭൂചലനം; സുനാമി മുന്നറിയിപ്പില്ല

ടോക്യോ: ഉത്തര ജപ്പാനിലെ ഹോൻഷു ദ്വീപിൽ വൻ ഭൂചലനം. റിക്​ടർ സ്​കെയിലിൽ 6.6 തീവ്രത രേഖപ്പെടുത്തിയ ഭൂചലനമാണുണ്ടായതെന്ന്​ രാജ്യത്തെ കാലാവസ്​ഥ ഏജൻസി അറിയിച്ചു. രാവിലെ 6.57നാണ്​ ഭൂചലനം അനുഭവപ്പെട്ടത്​.

മണ്ണിടിച്ചിലിന്​ സാധ്യത കൽപിക്കുന്നുണ്ടെങ്കിലും സുനാമി മുന്നറിയിപ്പ്​ പുറപ്പെടുവിച്ചിട്ടില്ല. ടോക്യോക്ക്​ വടക്ക് മിയാഗി തീരത്തോട് ചേർന്നാണ് ഭൂചലനം ഉണ്ടായത്. ഫുകുഷിമ ആണവ നിലയത്തിൽ നിന്ന് വളരെ അകലെയല്ല ഇത്​. ഇവിടെ ടോക്യോ ഇലക്​ട്രിക്​ പവർ പരിശോധന നടത്തി.

പ്രഭവകേന്ദ്രത്തോട് അടുത്ത് മറ്റൊരു ഓപ്പറേറ്റർ ഒനഗാവ ആണവ നിലയത്തിൽ പരിശോധന നടത്തുന്നതായി എൻ.‌എച്ച്‌.കെ റിപ്പോർട്ട് ചെയ്തു.