നിയമ പോരാട്ടം അവസാനിക്കും മു​േമ്പ ചിറകുവെച്ച്​ അവൻ പറന്നു പോയി

‘‘എ​​​െൻറ പോരാളി പരിച താഴെയിട്ടു; ചിറകുവെച്ച്​ പറന്നു പോയി...’’ഇംഗ്ലണ്ടിലെ ബൂട്ടിൽ സ്വദേശി ടോം ഇവാൻസ്​ ഫേസ്​ബുക്കിൽ കുറിച്ച വരികളാണിവ. തലച്ചോർ നശിക്കുന്ന രോഗമായിരുന്നു ഇവാ​ൻസി​​​െൻറ മകൻ രണ്ടു വയസുകാരൻ ആൽഫി ഇവാൻസിന്​. ലിവർപൂളിലെ ശിശുരോഗാശുപത്രിയിൽ ജീവൻ രക്ഷാ ഉപകരണങ്ങളു​െട സഹായത്തോടെയായിരുന്നു ആൽഫിയുടെ ജീവൻ നിലനിർത്തിയിരുന്നത്​. 

കുഞ്ഞിനെ മികച്ച ചികിത്​സക്കായി ഇറ്റലിയിലേക്ക്​ കൊണ്ടുപോകാൻ രക്ഷിതാക്കൾ ആഗ്രഹിച്ചെങ്കിലും കൂടുതൽ ചികിത്​സ ആവശ്യമില്ലെന്നും വ​​െൻറിലേറ്റർ ഒഴിവാക്കി കുഞ്ഞിന്​ ദയാവധം അനുവദിക്കുകയാണ്​ വേണ്ടതെന്നുമായിരുന്നു ഡോക്​ടർമാരുടെ പക്ഷം. ഡോക്​ടർമാരുടെ തീരുമാനത്തിനെതിരെ രക്ഷിതാക്കൾ നടത്തിയ നിയമ പോരാട്ടമായിരുന്നു ​ഇൗ കേസ്​​ അന്താരാഷ്​ട്ര തലത്തിൽ ശ്രദ്ധിക്കാനിടയാക്കിയത്​​. ജീവൻ രക്ഷാ ഉപകരണം പിൻവലിക്കാനുള്ള അധികാരം ആർക്ക്​ എന്നുള്ളതായിരുന്നു കേസി​​​െൻറ കാതൽ. 

2016 മെയിലാണ്​ ആൽഫി ജനിച്ചത്​. ഡിസംബറിൽ അപസ്​മാരം ബാധിച്ച്​ കുട്ടിയെ അൽഡെർ ഹെ ആശുപത്രിയിൽ പ്രവേശിപ്പിച്ചു​. അപ്പോഴാണ്​ കുട്ടിക്ക്​ തലച്ചോർ നശിക്കുന്ന അസുഖമാണെന്ന്​ കണ്ടെത്തിയത്​. മാതാപിതാക്കളായ ടോമും കേറ്റും കുഞ്ഞിനെ വിദഗ്​ധ ചികിത്​സക്കായി ഇറ്റലിയിൽ കൊണ്ടുപോകാൻ ആഗ്രഹിച്ചു. എന്നാൽ ഇത്​ ഡോക്​ടർമാർ നിരസിച്ചു. ഇനിയും ചികിത്​സ തുടർന്ന്​ ജീവൻ നിലനിർത്തുന്നത്​ ആൽഫിയോട്​ ചെയ്യുന്ന പാതകമായിരിക്കുമെന്നായിരുന്നു ഡോക്​ടർമാരുടെ അഭിപ്രായം. തുടർ ചികിത്​സ കൊണ്ട്​ ഗുണമി​െല്ലന്ന്​ മാത്രമല്ല, അത്​ മനുഷ്യത്വ രഹിതവുമായിരിക്കും എന്ന്​ ഡോക്​ടർ വിധിച്ചു. 

എന്നാൽ കുഞ്ഞിനെ മരണത്തിനു വിട്ടുകൊടുക്കാൻ ആ മാതാപിതാക്കൾ തയാറല്ലായിരുന്നു. ത​​​െൻറ കുഞ്ഞ്​ ആശുപത്രിയിൽ തടവുകാരനാണെന്നും രോഗം തെറ്റായി നിർണ്ണയിച്ചിരിക്കുകയാണെന്നും പിതാവ്​ ആരോപിച്ചു. ക​ുഞ്ഞിനെ തുടർ ചികിത്​സക്ക്​ വിട്ടു നൽകണമെന്ന്​ ആവശ്യ​െപ്പട്ട്​ രക്ഷിതാക്കൾ കോടതിയിലെത്തി. ചികിത്​സ തുടരേണ്ടതില്ലെന്ന്​ ആശുപത്രിയും വാദിച്ചു. നാലുമാസം നീണ്ട നിയമയുദ്ധത്തിനു ശേഷം കുഞ്ഞി​​​െൻറ ജീവൻ സംരക്ഷിക്കാൻ സാധിക്കുമെന്നതിന്​ ഒരു പ്രതീക്ഷയും ഇല്ലാത്തതിനാൽ ജീവൻ രക്ഷാ ഉപകരണം എടുത്തുമാറ്റാൻ ഡോക്​ടർമാരെ അനുവദിച്ചുകൊണ്ട്​ ഫെബ്രുവരി 20ന്​ ഹൈകോടതി ഉത്തരവിട്ടു. 

എന്നാൽ രക്ഷിതാക്കൾ വിധിക്കെതിരെ അപ്പീൽ നൽകി. അതോടെ ആൽഫിയുടെ വിഷയം അന്താരാഷ്​ട്ര ശ്രദ്ധനേടി. വിവിധ രാജ്യങ്ങളിൽ നിന്ന്​ രക്ഷിതാക്കൾക്ക്​ പിന്തുണയും ലഭിച്ചു. പോപ്പ്​ ഫ്രാൻസിസും രക്ഷിതാക്കളെ പിന്തുണച്ച്​ രംഗത്തെത്തി. 

കഴിഞ്ഞ തിങ്കളാഴ്​ച ആൽഫിക്ക്​ ഇറ്റാലിയൻ പൗരത്വം ലഭിച്ചു. കുഞ്ഞി​െന ചികിത്​സക്കായി എത്രയും പെ​െട്ടന്ന്​ ഇറ്റലിയിലെത്തിക്കു​ന്നതിനായി വിദേശകാര്യ മന്ത്രാലയം വളരെ പെ​െട്ടന്നു തന്നെ പൗരത്വം ശരിയാക്കിയിരുന്നു​. പിന്നീട്​ കുഞ്ഞിനെ ഇറ്റലിയിലേക്ക്​ കൊണ്ടുപോകുന്നത്​ തടഞ്ഞ കോടതി വിധിക്കെതിരെ പോരാടുകയായിരുന്നു രക്ഷിതാക്കൾ. ബുധനാഴ്​ച ചേർന്ന കോടതി കുഞ്ഞിനെ ഇറ്റലിയിലേക്ക്​ ​െകാണ്ടുപോകാൻ അനുമതി നൽകി. എന്നാൽ ജീവൻ രക്ഷാ ഉപകരണങ്ങൾ മാറ്റിയ ശേഷം കൊണ്ടുപോകുന്നതിനായിരുന്നു അനുമതി ലഭിച്ചത്​. അതനുസരിച്ച്​ കുഞ്ഞിനെ വ​​െൻറിലേറ്ററിൽ നിന്ന്​ മാറ്റി. എന്നാൽ മാതാ പിതാക്കളുടെ നിയമപോരാട്ടങ്ങൾ വിജയത്തിലെത്താൻ കാത്തു നിൽക്കാതെ കുഞ്ഞ്​ ആൽഫി ഒരാഴ്​ചക്കുള്ളിൽ മരണത്തിനു കീഴടങ്ങി.