ബര്‍ലിന്‍: ജര്‍മനിയുടെ പടിഞ്ഞാറന്‍ നഗരമായ എസ്സെനിലെ ഗുരുദ്വാരയില്‍ കഴിഞ്ഞദിവസമുണ്ടായ സ്ഫോടനത്തെക്കുറിച്ച് അന്വേഷിക്കാന്‍ പ്രത്യേക സമിതിയെ നിയോഗിച്ചു. തിങ്കളാഴ്ച ഇന്ത്യന്‍ കൗണ്‍സല്‍ ജനറല്‍ രവീഷ് കുമാര്‍ ഗുരുദ്വാര സന്ദര്‍ശിക്കുകയും എസ്സെന്‍ മേയര്‍, പൊലീസ് കമീഷണര്‍ എന്നിവരുമായി കൂടിക്കാഴ്ച നടത്തുകയും ചെയ്തിരുന്നു. തുടര്‍ന്നാണ് പ്രത്യേക അന്വേഷണ സംഘത്തെ നിയോഗിക്കാന്‍ തീരുമാനിച്ചത്. മേഖലയില്‍ സിഖ് മതവിശ്വാസികളുടെ സുരക്ഷക്കായി സാധ്യമായതെല്ലാം ചെയ്യുമെന്നും മേയര്‍ ഉറപ്പുനല്‍കി. ഗുരുദ്വാരയുടെ പ്രധാന വാതിലിനു സമീപമാണ് സ്ഫോടനമുണ്ടായത്. സംഭവത്തില്‍ സിഖ് പുരോഹിതനടക്കം മൂന്നു പേര്‍ക്ക് പരിക്കേറ്റിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.